اسأل وورط اللى بعدك ...

تذكير بمساهمة فاتح الموضوع :

الموضوع ده عباره عن لعبه صغيره شوفتها فى منتدى أخر وعجبتنى فاقولت انقلها

هى عباره عن إن العضو هايدخل يجاوب على سؤال العضو اللى قابله ويسأل سؤال للعضو اللى بعده
وأنا هابدأ ....

ايه أكتر كلمه بتفرحك لما بتسمعها ؟

أعتقد فى البحرين

متى يكون الإنسان حرا ؟

عندما يفهم الاسلام فهما صحيحا

ما هو اعظم ابواب السعادة

رضا الله

آيه أكتر حاجه فيك ونفسك تغيرها؟

اكتر حاجة فيا ونفسى فعلا اغيرها العاطفة الزائدة وانى بصدق فعلا اى حاجة تتقال لى من غير ما افكر فيها
ايه الدعوة اللى بتدعيها ونفسك ان ربنا يستجيبها باقصى سرعة؟

انى ربنا يرضى عنى فى كل حاجه ويثبتنى أعملها بجد والله ديه أكتر حاجه بدعى بيها

صريح مع نفسك ولا بتضحك عليها

الواحد ممكن يضحك على أى حد إلا نفسه دى الحاجة الوحيدة اللى بتفضحه لأنها الوحيد فى الدنيا اللى يعرف كل أسرارك .

فى حاجة ممكن تخبيها عن ناس أنت بتثق فيهم ؟ ( الإجابه بنعم أو لا إلا إذا أراد المجاوب أن يزيد )

نعم

لأن هناك أشياء لازم الانسان يحتفظ بيه لنفسه

وبعدين للثقه حدود

مهما كان الحد ده

لأن ممكن فى لحظه يخون الثقه

تعمل ايه لو صاحبك اللى هو نص التانى

خانك عهود الصداقه بمعنى عمل حاجه جرحتك جدااااا؟

اللى المفروض نعملة نكظم غيظنا ( كان عبد الله بن عون لا يغضب فإذا أغضبه الرجل قال له : بارك الله فيك ) أما أنا مش عارف بصراحة ساعتها هاتصرف ازاى بس أكيد لو هاقدر أكظم غيظى يعنى أنه مش هيبقى نصى التانى بعد كده ويفضل مجرد زميل .

ما هو الشئ الذى تفتقده جدا ؟

الصداقة الحقيقية.....عمرك حسيت بإنك غيران من شخص انت بتحبه اوى اوى؟

أنا مش عارف ازاى حد يغير من حد بيحبه بس أنا الحمد لله عمرى ما غيرت من أى حد وبيتمنى الخير للناس كلها .

اللحظة اللى لو عدت عليك تقول عليها أجمل لحظة فى حياتى ؟

عالفكرة فى ناس بتغير من أصحابها جدا مع انهم بيبقوا قريبين من بعض اوى

اللحظة اللى احقق فيها كل احلامى
اللى انت حققته من احلامك واللى لسه؟

ممكن أنى اخدت مركز أول فى القاء الشعر على مستوى الجمهوريه

دا اكتر حاجه كانت مجرد حلم واتحقق
لكن فى أحلام كتير بدأت بس لسه مكملتش ادعى بس ؟أنتى يا أختى وربنا يحققلنا أحلامنا
ادعوا بقى أخد مركز دولى بقى

لو العمر رجع بيك تلات سنين لورا هاتغير ايه فى حياتك؟

كنت راجعت نفسى ألف مرة قبل ما أصاحب حد

لو اكتشفت خيانة أعز صديق لك فماذا ستفعل ؟؟؟؟؟؟؟
[center]

هتصدم وهحزن طبعاً

كم مرة صليت قيام هذا الأسبوع

احنا لسة فى اول الاسبوع
لو قصد حضرتك على الاسبوع اللى فات
فهو كامل اللحمد لله

انا هسأل سؤال لولبى

هل

محلات الجزارة بتبيع لحمة؟

لا محلات الجزاره دلوقتى بتبيع عظم

غريب السؤال هتكون بتبيع آيه يعنى

سؤالى أنا بقى

اذكر شخصين مش موجدين فى حياتك وكنت تتمنى وجودهم؟

اولا كنت اود مرافقة النبى لاكون خادما بين يديه

ثانيا مصاحبة العز بن عبد السلام الذى استطاع رد التتار وتغيير مصر للافضل وللاسلام مرة اخرى فى بضع سنين

ايه اكتر حاجة بتحبها فى دينك ؟

بصراحة دينى كله ....إيه اكتر شئ بتحبه فى الدراسة؟طبعا مفيش حد هيرد على السوال ده

التاء المربوطة !!

فيه سؤال اتكرر كتيير فى اللعبه ! يا ترى ايه هو ؟ وايه السبب ؟

ممكن ان ترى الاجابات لدى الاعضاء لكى تجيب على السؤال؟

سؤالى هو

بنى جدى هبد الرحمن الناصر مدينة الزهراء و بنى قصر الزهراء القصر الذى يتحاكا به الزمان حتى الان حيث كان حوائطه من الذهب و الفضة و به حمام من الزئبق

اذكر مقاول السراميك الذى بنى هذا الحمام
و ازكر اسم الجواهرجى الذى اشترى منه عبد الرحمن الناصر هذه الذهب

هو آيه السؤال ده

لا دا عايز موسوعه تاريخ

أنا بمرر لحضرت كالسؤال جاوبه أنت

وبعدين ادينى بلف على السؤال اللى اتكرر

غالبا هو الأسئله اللى على الدراسه او الأحلام؟

السلام عليكم

اختنا السؤال ليس مزحة

مقاول سيراميك قصر الزهراء

هو المعمارى محمد ابن عبد الرحمن الزاهرى و هو من اشهر معمارى العصر الاندلسى
اما الجواهرجى الذى اشترى منه عبد جدى الذهب
هو ملك فرنسا و قد اهداه له لكسب ود عبد الرحمن الناصر

المصدر : كتاب البدر الطالع لمحاسن ما بعد القرن الرابع

و سؤالى هو ما هو اخر حكام الاندلس قبل سقوطها

اعتقد ان هذا السؤال سهل جداا

خلى الاجابة بعد دراسة التاريخ الاسلامى فى الباب الجديد

ما هى الغفلة

سهو يحدث للانسان نتيجة عدم التحفظ والتيقظ
انتوا بتجيبوا الاسئلة الصعبه دى منين ؟!

أين تذهب عندما يتعكر صفوك وتريد أن تستجم ؟

للورقه والقلم فى أغلب الأحيان وانا بكتب ببقى بناجى ربنا

لأن أحيانا بيتعكر صفو الواحد وهو لايملك انه يروح فى حته

لكن لو ممكن أخرج بنزل اتمشى

حياتنا كلها أسرار

هل توافق على هذه العباره ولماذا

أنا لا أوافق يمكن لأنى لا أحمل سرا لوحدى إلا رأيى فى الناس أحب أن أتركه دائما لى وما دون ذلك فأحب أن أجد من يحمله معى .

إنى لا أكذب ولكنى أتجمل ( مش الفيلم ) هل لهذه الجمله مكان فى حياتك ؟

نعم ولكن لا ظروفها و حيثياتها

و سؤالى هو

هل انت مستعد للموت الان؟

[size=29]لا

سوالى هل هتعرف شيئا عن مجدد الامه حسن البنا[/size]

هذا رابط رائع عن حياة الامام الشهيد حسن البنا

[ندعوك للتسجيل في المنتدى أو التعريف بنفسك لمعاينة هذا الرابط]

و سؤالى هو

ما هى اكثر شخصيى تاريخية تأثرت بها

سيدنا عمر بن الخطاب .

ما هو الكتاب الذى تحب أن تقرأه كثيرا ؟

بعد المصحف طبعا

كتاب رسائل الامام الشهيد حسم البنا

اذكر حديث نمتنه بتخريجه عن فضل الصلاة على انبى صلى الله عليه و سلم

‏حدثنا ‏ ‏محمد بن بشار بندار ‏ ‏حدثنا ‏ ‏محمد بن خالد ابن عثمة ‏ ‏حدثني ‏ ‏موسى بن يعقوب الزمعي ‏ ‏حدثني ‏ ‏عبد الله بن كيسان ‏ ‏أن ‏ ‏عبد الله بن شداد ‏ ‏أخبره عن ‏ ‏عبد الله بن مسعود ‏
‏أن رسول الله ‏ ‏صلى الله عليه وسلم ‏ ‏قال ‏ ‏أولى الناس ‏ ‏بي يوم القيامة أكثرهم علي صلاة ‏
‏قال ‏ ‏أبو عيسى ‏ ‏هذا ‏ ‏حديث حسن غريب ‏ ‏وروي عن ‏ ‏النبي ‏ ‏صلى الله عليه وسلم ‏ ‏أنه قال ‏ ‏من صلى علي صلاة صلى الله عليه بها عشرا وكتب له بها عشر حسنات

توقعاتك لمنتخب مصر ؟ هل يصل إلى كأس العالم ؟!

ممكن توصل
بس يلا ندعى انا وانته

هسألك سؤال لولبى

هل تفضل الفراخ على الفول؟

ايوه بحبها جدااااااا بس لما تبقى فراخ بانيه مش فراخ عاديه

تعمل لو سابوك فى البيت لوحدك لماده أسبوع

ايه تصرفك

لو ولد اللى هيرد هتتطبخ

لو البنت هتعرفى تنامى لوحدك فى البيت أسبوع كامل

طبعا هعرف انام لوحدى دا الاسبوع ده هيبقى الاجازة اللى بجد ويا سلام لو بقى شهر

لو بقيت رئيس حمهورية مصر هتعمل إيه؟

هتنازل عن منصبى

لو واحد صوته فعلا مش حلو خالص ونشاز خالص وقالك انا عايز اغنى هتقولوا آيه؟
او اى موهبه تانيه وهو مش بيعرف فيها تقوله آيه؟

لاشىء

و سؤالى هو هل فعلت ورد محاسبه ولا لا؟

الحمد لله أبوس إيد أمى وش وضهر عالنعمة دى

إيه أكتر موقف محرج قابلته فى حياتك ؟؟؟؟؟؟!!!!!!!!!!!

كان فى دكتور عندنا فى الكليه مسجل معانا فى منتدى بتاع الكليه

المه مانا ماشيه مع واحد صاحبتى وبنتكلم وبتقولى د\احمد طه

لسه هأقولها مين بقى د\احمد طه ده

انا كن بسأل ببراءه لان كل الناس داخله ترحب وعرافيينه وانا مكنتش اعرف شكله
ولسه مكملتش الكلمه طبعا سكتتنى معرفش ازاى

قالتلى هو اللى كان معدى جمبنا

طبعا حاس ان احنا بنتكلم عليه

بس الحمدلله ماسمعناش

يالهى دا كان يبقى موقف وحش اوى

بس فيه مواقف اكتر احراجا بس دا اللى جه فى بالى

اكتر نوع من الفاكهه بتحبه اوى وممكن تأكل اى كميه منه؟

احسن نوع احبه
هو اليوسفى

احبه جداا
ما هى افضل اكله ؟

المحشى

إيه أحسن صفة أو خلق تحبه

غض البصر

آيه اكتر صفه بتكرهها

الغباء

لو خلفت ولد و بنت هاتسميهم ايه

الحمد لله انا سميتهم خلاص ولسه عايشين

ايه الدعوة اللى تحب حد يدعيلك بيها بظهر الغيب؟

اللهم ثبته واستعمله لنصرة دينك ولا تستبدله .

ايه الموقف اللى مريت بيه فى حياتك وما تنساهوش أبدا ؟

موقف
استشهاد الشيخ احمد ياسين
والله لن انسى هذا الموقف

انته مخنوق من التعليم فى مصر؟

أكيييييييييييييييييد طبعا

بس عندى امل ان مازال فيه ولو بصيص امل فى استاذتنا ودكاترتنا

انا بتكلم على الكليه

لكن عموما التعليم بقى حاجه لا توجد كلمه توصفها

ايه اكتر حاجه ندمت عليها فى حياتك؟

اننى لم اعرف قيمة الوقت

هل الصلاة على الرسول لها مكان فى يومك

نعم

طبعا بس أحيانا الواحد بينسى

اصحابك بيمثلو لك إيه فى حياتك ؟