اسأل وورط اللى بعدك ...

تذكير بمساهمة فاتح الموضوع :

الموضوع ده عباره عن لعبه صغيره شوفتها فى منتدى أخر وعجبتنى فاقولت انقلها

هى عباره عن إن العضو هايدخل يجاوب على سؤال العضو اللى قابله ويسأل سؤال للعضو اللى بعده
وأنا هابدأ ....

ايه أكتر كلمه بتفرحك لما بتسمعها ؟

الحمد لله
الواحد مش بيعرف ينام الا بعد الفجر

هل لديك ذكريات جميله فى طفولتك؟احكى لنا موقف

اكتر حاجة فى طفولتى اذكرها والدى الحبيب حفظه الله وجزاه عنى خير الجزاء

كان عنده عجلة (اتسرقت منه من قريب) وكان بياخدنا عليها يوم الجمعة نزور جدتى وعمتى
كل يوم جمعة قبل الصلاة من بيتنا لحد محب نمشى بالعجلة ويحفظنا السور القصيرة هو يقول وانا واخى الصغير نقول وراه (تخيلوا صبره)
ودى اكتر حاجة لا انساها ربنا يجزيه عنى خير الجزاء

بمرر السؤال مرة اخرى

مش عارفه محدش عايز يجاوب ليه

على السؤال صعب كده

والله لأرد انا
ياااااااااااااااااااه عندى ذكريات

دا انا كلى ذكريات

اكتر حاجه بقى

لما كنا بابا بنقعد معاه كلنا والنور يقطع ويقعد يحكلنا عن أيام زماااااااان

ايام ما كنا كلنا صغيرين وبرضه كنا بنلعب مع بابا دا احنا بنعمل عمايل

واول ماما تيحى من بره كله حاجه مكانها

بس كانت بعرف وتتضحك

والله ولنعم الأسلوب التربوى صدقا والله

جزاه الله عنا كل خير

مش اباء اليومين دول اللى بيضربوا عيالهم لو قالولهم صباح الخيرههههههه

يلا هأسال تانى

ممكن تنسى الأساءه بسرعه وبدون مثاليه الله يكرمكم؟

على حسب الشخص و حجم الاساءة

يعنى لو الشخص ده انت بتحبه هعديها مع لفت نظر ان الشىء ده بيدايقنى

لكن لو واحد علاقتى بيه سطحيه اؤله ان ده غلط و لو فيه اسلوب للضجر الحميد يبقى احسن

بمرره تانى السؤال

أنا رأيى من رأى الاخ عبد الرحمن فى ان فى حاجات ممكن تعدى عادى وفى حاجات لازم لها وقفة

بس انا مشكلتى انى ما بعرفش اتعامل مع حد وانا زعلانة منه بحس ان ده نوع من النفاق
ومش أى حد اصارحه بانه أخطأ فى حقى وانى زعلانة منه
لازم يكون قريب لقلبى قوى علشان اعمل كده
وفى الاخر لازم التمس له العذر حتى لو ده صعب على نفسى بس لازم يكون لى مرد ارجع ليه
بس انتى عارفة أكتر حاجة تضايق انك تكونى متضايقة من تصرف حد والحد ده ولا هو هنا
وعمال يتمادى بس انتى عارفة ساعتها ممكن اتجاهل كل تصرفاته عشان ما أحرقش دمى على الفاضى

ما علينا ايه الاسئلة الصعبة دى؟
هل انت شخص مرن ؟ يعنى تتقبل التغيرات فى حياتك بسهولة؟

على حسب التغييرات

فيه تغيييرات فى حياتى بتعامل معاها بسرعه وتأقلم من جميع الجوانب

وفيه تغييرات بتعامل معاها نظريا فقط

ونفسيا مش ببقى عارفه أتعامل

بمعنى أصح مع أول موقف دايما تأثرفيه

لكن بس ممكن تقدرى تقولى بتعود كل شئ على حسب طبيعته

انت شخصيه بتأخذ قرار بسرعه ولا لازم تفكير كتيييييير وتسال ده وده وده بتأخد فتره طويله فى التفكير؟

السلام عليكم ورحمة الله وبركاته

تسمحولي اورطكم معايا
بالنسبة للسؤال
انا عن نفسي لما باقتنع بأي رأي أو فكرة بنفذها على طول من دون تردد لإني بكون فكرتكويس وسألت من هم أكثر مني خبرة في هذا المجال وبالطريقة دي ما عتقدشي إني متردده
( فإذا عزمت فتوكل على الله )

امتى آخر مرة حسيت إنك محتاج حد كبير جنبك ؟

كتير أوى

ممكن ميكونش كبير سنا لكن كبير فكرا

آخر مره حسيت بالظبط

من عده شهور

كنت محتاجه بجد حد بحبه اوى جمبه جمعنى الله به فى الفردوس ان شاء الله

بس بصراحه

بس صدقا وعن تجربه اتقالت ليه كلمه الى لا أنساه ابدا بجد

ان احنا لازم نتعلق التعلق التام بالله

ونصل قلوبنا بيه

فنلاقى نفسنا اول مايحصلنا مشكله بنجرى على ربنا نحكيله كده ونتكلم معاه

فبجد الحكايه ديه رائعه جدا

كفايه ان هذا الامر بتحسى بمعيه ربنا اوى

صدقا احساس أروع مايكون

اسأل بقى وورط

امتى بجد بتحس انك مش حابب نفسك ومش راضى عنها؟

اما بعمل ذنب معين بذاته

كل اما اتوب عليه اجى اعمله تانى
هساعتها بحتقر نفسى جداا
اللهم ما تب علينا جميعا

بمرر السؤال تانى؟

اوقات كثيرة لما الواحد بيقصر مع ربنا

هل فكرتى يوما فى وقفه مع نفسك ومحاسبتها

اه الحمد لله

بس بصى كل فتره فيه وقفه كبيره نظبط الأحوال اوى

والحمد لله باستمرار فيه وقفات صغيره

عشان بجد اهم حاجه ربنا يثبتا

بس ساعات بنحاسب نفسنا ولا جدوى شويه تأثير وترجع ريما لعادتها القديمه لكن هناك وقفات حاسمه

والحمد لله

أصل محاسبه النفس مش فى العبادات بس

لكن فى كل الحياه
حياتان أصلا محتاجه وقفه مننا جامده اوى

المهم ادعيلى عشان ساعات بقعد ألوم نفسى على الحاجه بطريقه تخنق

بس فى امل يعنى

سؤال انا بقى

دلوقتى فيه

عيب فى الجيل الحالى من الشباب كلا الجنسين الملتزم

مش كلهم لأن كثيرا نحسبهم ع خير

لكن هناك مايسمى فى وجهه نظرى أزمه

لا نعلم صدقا هل هى تربويه

اما بحكم الظروف

اما بحكم ان البعض خد الطريقه وراثه

ولا أثنى نفسى من الجيل طبعا

وعدم تواصلهم مع الجيل اللى قبلهم

بمعنى ءاخر فيه فجوه

الحمدلله أكيد هيا مش فجوه كبيره أوى لكن موجوده

ممكن من وجهه نظر اللى هيرد او ترد

تقول ايه الأسباب

موضوع محتاجه أجمع فيه وجهات نظر مختلفه

هو السؤال صعب آوى كده

طب استعينوا بصديق او مداخله من صديق

برضه مازال السؤال مستمر

واما نشوف مين هيجاوب؟؟؟؟

ومازل الصمت هو الحل

والجميع ممتنع عن الآجابه

قولوا بس وانا أغير السؤال وامرى الى الله

السلام عليكم و رحمة الله و بركاته

اللى قدرت افهمه هو سبب الضعف التربوى عند بعض الملتزمين

دا بينتج من اسباب عده

1- الاسرة الام : اللى اتربى فيها الواحد منا
2- صفاء الابتداء: ممكن يكون بداية التزامه كانت سريعة لم تمر بمراحل تربوية على درجة كبيرة من النضج
3- مرور الشخص بفتن عدة و اندراجه فها : زين اليكم حب الشهوان من النساء و البنين و القناطير المقنطرة من الذهب و الفضة ...
4- البيئة الايمانية المحيطة به : بمعنى مستوى الاخوة المحيطين به مستوى ضعيف سواء على الجانب الايمانى و الجانب الحركى
5- ضعف الثقافة الاسلامية عنده : يعتمد فقط على ما يعطيه الاخوة من ثقافى او معرفة و ليس له رافد ثقافى ذاتى.
6- طبعا الذاتية الايمانيه: قيام و قرآن و ذكر الخ

من وجهه نظر حضرتك دى أسباب الفجوه

كويس حد جاوب على السؤال

طب فين السؤال اللى عليه الدور

هل انت مقتنع بتعددية الزوجات كحل لمشكلة العنوسة فى مصر؟

لا

طبعا

بصراحه الامر ده صعب جدااااااا

أنا عن نفسى لا أقبل نهائى انى يكون لزوجى زوجه تانيه مهما كانت الظروف

وبعدين ما بدل مايروحوا يتزوجوا يساعدوا فى مشاريع تيسير الزواج للشباب

خلاص يعنى لما الرجاله تتنزوجوا أربعه المشكله هتتحل

والشباب يضيع أكتر

أحيانا بننتظر ردود أفعال من أشخاص وتجد من تنتظر منه لا يبالى

ممكن تعمل آيه فى موقف زى ده؟

اولا تعدد الزوجات امر شرعى فهو ليس حرام او عيب

المجتمع الذى نعيش فيه هو الرافض للفكره
طبعا الاعلام له دور كبير والعرف والمشكلات الاقتصادية
وعدم فهم الدين فهما صحيحا
ان التعدد ليس مشكله ولكن احسب كم شاب لم يتزوج حتى الان العنوسة فى مصر ليست للفتيات فقط انما فى الشباب ايضا
فاذا حلت هذه المشكلة وبقيت عنوسة الفتيات فانا اوافق على تعدد الزوجات
السؤال امرره الى غيرى

بص حضرتك يا أخت شهيده

طبعا التعدد مباح ولكن بشروط

كم وضحها القرآن

لكن انا بتكلم عن واقع

انه المشكله فى ان الشباب والفتيات مش عارفيين يتزوجوا

بدل ما الرجاله تتزوج مره تانيه يعملوا تيسير للزواج للشباب

ونمرر السؤال برضه

بص يا اخت عاشقة الاقصى

اقراى كلامى جيدا
سوف تعرفى اننى قلت نفس كلامك
وبعدين لسه بدرى على هذا القلق
اتركى هذا لنا
المهم هذا امر شرعى ليس فيه مجال للكلام
ولكن سواله هل هو حل للعنوسه
نرجوا ان يرد هو على هذا السؤال
هل هو ممكن يتزوج اربعة للمساعدة فى حل القضية
وعلى فكرة توجد نساء كثر يفضن التعدد على العنوسه

على فكره أنا مش قلقانه ولا حاجه والله

لأنى عندى قناعات فى حياتى لن أتخلى عنها

وانا كمان لا أتكلم فى الآمر الشرعى

أنا بتكلم برضه فهل هو حل ام لآ

ايه نسال سؤال تانى ولا نستنى

ربنا يستر

اعتقد نستنا يومين كدا

ليا رأى

ما رأيكم ان نضعه موضوع فى باب الشباب

و نسمه

تعدد الزوجات بين العرف و الشرع

و ناخد فيه وحهه نظر الاخوه و الاخوات

هل فعلا هل للعنوسه
هل تقبل الاخت ان تكون زوجه ثانيه ، و كيف ان كانت اختها فى الدعوة هل سيتم التقبل ام لا

هذه حقيقا اسئلة تدور فى خلدى اوقات الفراغ

عندك حق يا أخ عبد الرحمن الناصر , دا منتدي ترفيهي مش لمناقشة الأمور الشرعية

و نطلع من موااااااااااااااااااااااااال الزواج و نسأل سؤال ,

امممممممممممممممممممممممممممم

اه

كلت ايه النهارده ؟؟؟؟؟؟؟؟؟؟؟؟؟؟؟؟؟؟؟؟

مكرونه بالبشاميل

ومش عايزين حد يقر بقى

احلى لحظات حياتك ؟

احلى لحظات حياتى

لو مواقف
هناك موقفين من احلى لحظات حياتى

1- نجاحى فى 2 ثانوى اتذكره جيدا ، اتذكر انى مشيت حافى فى الشارع و بجرى بجنون

2- يوم نجاح المهندس سعد الحسينى فى الانتخابات يوم الفرز
كان يوم جميل و الندنيا مطرت فيه و كان فيه روحانيات عالية اوى اتذكر بعد اعلان النتيجة بكينا كلنا و جاء الاخ القعقاع و قبل يد كل واحد فينا و هو يجهش فى البكاء
انا كل ما اتذكر اليوم دا اعرف قدر اخوتنا جميعا و فضل الدعوة المباركة علينا

انا بمرر السؤال دا تانى

أحلى لحظات حياتى فى أى وقت بكون فيه مع إخوانى

ووقت فرح أى حد أعرفه بتكون برده من أسعد اللحظات فى حياتى

بمرر نفس السؤال ؟

السؤال ده اتمرر كتير اوى

آيه الآسئله خلصت ولا آيه

يلا نجاوب السؤال ونجيب سؤال جديد
احلى لحظات مرت فى حياتى

بصراحه اجمل لحظه يوم زواج أخويا حبيبى

كان بجد فرح شديد جداااااااا

وخصوصا ليه

وفيه أكيد لحظات حلوه كتير اوى عدت ع الواحد

منها بصراحه

لما بيكون هناك جمع لله

جمع من قلوب كده بتتعانق مع بعضها حبا فى الله

سواء بقى كان أفطار او مظاهره او مؤتمر

بحس يااااااااه لا ع دنيا تجمعنا

بل على الله غايتنا

واتذكر موقف يوم مؤتمر المحاكم العسكريه اللى اتعمل عندنا فى الجامعه وساعه لما المطر نزل

بجد لن استطيع أصف اللحظه ديه

تخيلوا لما يكو ن اللى انت واقف بتهتفلوه استاذ فى جامعتك او ابوه زميل ليك

ونداء الجميع لله انه يفك كربهم

فك الله كربهم وانتقم من الظالمين شر انتقام

اقول سؤال بقى

هل لديك ورد من القراءه الذاتيه ؟

يعنى بعيدا عن الأشياء اللى لازم تقرأها ومنوط بها يعنى

طبعاً الحمد لله

أحب القراءة وأقوم بالقراءة ولكن فيه بعض التقصير

سؤال :
مين من أعضاء المنتدى لم يشترك فى الموضوع ده وتحب أن توجه له سؤال ؟

طب السؤال هيوصل للعضو دا ؟

عموما سؤالي للأخ العضو السيف الإسلامي

أنت عامل ايه دلوقتي ؟

ههههههههههههههههههههه

أخو السيف الإسلامى يرد بدلا منه هو الحمد لله بخير وزى الفل

إمتى آخر مرة زرت فيها أقاربك ؟

[ندعوك للتسجيل في المنتدى أو التعريف بنفسك لمعاينة هذه الصورة]

من أسبوع

امتى آخر مرة دعيت لوالدك ووالدتك بظهر الغيب؟

الحمد لله بدعى لبابا داااااااااااااائما وماما الحمد لله

آيه اكتر حاجه نفسك تعملها فى رمضا نالسنه دى

نفسى أختم القرآن مرات عديدة وأصلى التهجد فى الحرم إن شاء الله

والسؤال يكرر؟؟؟؟؟

كان نفسى اصلى العشر الاواخر مع د\خالد ابو شادى

بس الظاهر الدراسه هتبقى بعد العيد

بس بجد نفسى اخرج من رمضان واحده تانيه بجد

ونحصل على عطاءات ربانيه تعيينا بعد رمضان
ويبقى فتح ليه السنه دى

بطلوا بقى تمرروا السؤال واسألوا اسئله جديده

ايه أكتر حاجه ممكن تسعدك ؟

أكتر حاجة ممكن تسعدنى إنى أكون جار النبى _ صلى الله عليه وسلم _والصحابة فى الجنة

بمرر نفس السؤال

لا بجد مش هينفع كده

أنا مش هأجاوب

انا بعترض

هو مش فيه ديمقراطيه فى المنتدى

جددوا الأسئله أرجوكم

objection

أمتي آخر مرة اضربت فيها علي قفاك و من مين ؟ ههههههههههههه

اللي هيجاوب ليه جايزة ههههههههههههههه

عايزين تنافس في الإجابة و ياريت تمرروا السؤال دا كتير هههههههههههههه

ايه يا جماعة السؤال صعب للدرجة دي

دي شكلها ورطة كبيرة

يعني أغير السؤال ؟

حد يرد

آسف لو السؤال محرج أو مخالف لقوانيبن المنتدي

هغير السؤال

قرأت كام ربع قرآن النهارده ؟

الحمد لله قريت اكتر من ربع

سؤالى ايه الفايدة من الاسئلة دى

الاجازة جميلة
حصلتلي فيها حاجات حلوة كتير أتمنى من الله أن يتمها علي
سؤالي
متى آخر مرة حسيت فيها إن محتاج تقرب من ربنا

النهاردة و أنا راكب الميكروباص و رايح البلد , قلت في نفسي لو حاجة حصلت يا تاري أنا عملت إيه لله عز و جل

سؤالي : إيه أكتر حديث قرأته أثر فيك بالفعل ؟

(أمسك عليك لسانك وليسعك بيتك وابك على خطيئتك)

ناوى تعمل ابه فى رمضان

ده سؤال صعب محتاج كلام كتير أوي

لكن انا شايفه إن كل واحد يبدأ يجدد نيته ويعددها قبل هذا الشهر الكريم لعله يأجر بالنية
عن نفسي أنا ناوية أدعي كل يوم للمسلمين والمسلمات بالرحمة والمغفرة عند الفطار وربنا يتقبل
سؤالي
تعمل إيه لو شفت شيء غلط بيحصل أمامك ؟؟؟؟؟؟؟؟؟؟؟؟؟؟؟

بصراحه الأيام دى الغلط كتييير أوى وما حدش بيعرف يتكلم فى غالب الاحيان بيبقى عدم الرضا عن الوضع كفايه.

بالنسبة لوضع بلدنا الصناعى ما فيش أى حاجه بتتصنع فيها حتى الإبره (باستثناء صناعة الملابس اللى كانت ازدهرت فتره ودمروها البعدا الله يخرب بيتهم ).
ياترى ايه اسباب التخلف الصناعى فى بلدنا ( هل الصينين أذكى مننا )؟

الادارة يا سيدى

و حط تحتها الف الف خط

كيف ترى الحل فى تقدم صناعاتنا؟

من الصحابي الذي لقب ببليع الارض

هو سيد نا خبيب بن عدى

يا ترى جهزت نفسك لرمضان وازاى ؟

جهزت نفسى

بصراحه المفروض ان احنا بنجهز من رجب

الى حد ما اه الحمد لله ازاى؟
اكيد اول استعداد الصيام
انا حاطه أهداف لرمضان السنه دى

مختلفه عن اى سنه خصوصا وان معظمه جاى فى الاجازه

من دلوقتى الواحد بيزود فى القرآن مثلا

نتفق انا ورفاق الطريق على واجب عملى لينا

بصراحه عملنا فكره على منتدى الكليه وان شاء ربنا يكرم اصحابها بجد

كل واحد يحط حصله ويكتب عليها شنطه رمضان ويحطها فى مكان ظاهر فى البيت ويح طفيها ولو ربع جنيه فى اليوم

لحد رمضان عشا ن نعمل الشنطه بأذن الله فى الكليه

والحمد لله نفذنا الفكره

الواحد بجد عايز يخرج من رمضان السنه دى وهو استطاع ان يغير نفسه

ويكون انطلاقه من العطاءات الربانيه

برضه موضوع التهجد

بنحاول نواظب عليه قبل الفجر

انا حاسه انى متشوقه جدااااااااا لرمضان لعل الله يجعله فتحا لنا جميعا

وحاسه ان احنا بنشحن هممنا نحوه

نسيت اقول حاجه
بقوى نفسى بدنيا عشان ربنا يكرمنا فى العباده فى رمضان

عايزه اخد عطاءات ربانيه

طبعا الدعاء

ربنا بجد يبلغنا رمضان

انا حاسه ان ربنا سبحان وتعالى ادنا منحه كبيره او فى حياتنا اسمها الصحبه اللى بتذكرنى دايما بالخير

ربنا يعزهم جميعا

ومازلنا بنستعد

السؤال بمرره لأن يستحق بصراحه

[size=24]تقع مدينة المنامة في دولة البحرين

[size=29]هل بتحب مصر بلدي وبلدك ؟؟ [/size][/size]