| كاتب الموضوع | رسالة |
|---|
المهاجرة الى الله
مراقب عام المنتديات الأسلامية
 عدد الرسائل : 1599
رقم العضوية : 44
: 
تاريخ التسجيل : 10/04/2008
 |  موضوع: رد: برمــجـ عقــلكـ  الجمعة يوليو 04, 2008 12:03 am | |
| [size=29]بارك الله فيكى يا بنت الاسلام
حلقة مهمة اللهم ارزقنا الكلام الايجابى واجعله يجرى دائما على لساننا[/size] | |
|
  | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ الجمعة يوليو 04, 2008 12:11 am | |
| جزاكى الله خيرا بنت الاسلام
جعله الله فى ميزان حسناتك | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الجمعة يوليو 11, 2008 9:56 am | |
| اين باقى الحلقات يا بنت الاسلام؟؟؟
منتظرينك ما تتقليش علينا | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الأربعاء يوليو 23, 2008 3:22 pm | |
|
السلام عليكم ورحمة الله وبركاته
اسفه جداااااااااااا على التاخير ياترى نسيتوا الموضوع ولا لسه فاكرينه
ياريت نراجع الحلقات تاني على السريع كدا
ونكمل مع بعض ان شاء الله الباقي
جزاكم الله خيرا للمتابعه
| |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الأربعاء يوليو 23, 2008 3:33 pm | |
|
إعادة تأطير!
كتابة ورسوم: د. شريف عرفة
إيه العنوان الغلس ده؟
لعلمكم هو ده أغلس عنوان فعلا من أول ما بدأنا السلسلة دي.. لكن أعمل إيه بقى؟؟ ازاي أقول على (إعادة التأطير) غير إنها (إعادة تأطير)؟؟ مالهاش حل يعني..
إيه إعادة التأطير دي بقى؟؟
ده مبدأ مهم قوي في البرمجة اللغوية العصبية.. وبيها ممكن نحل مشاكل كتير جدا بتواجهنا في حياتنا العملية..
معنى إعادة التأطير
إعادة التأطير أو REFRAMING يعني لغويا إننا نحط اللوحة بتاعتنا في برواز جديد علشان نشوفها بشكل مختلف..
يعني نشوف الحاجة اللي عندنا (في ضوء مختلف) علشان نشوفها بطريقة مختلفة..
زي ما اتفقنا في الحلقات اللي فاتت إننا احنا اللي بنحكم على الأشياء.. احنا اللي بنحط المعاني للأشياء.. زي المثال بتاع دبلة الخطوبة اللي قلناه قبل كده.. لو اتنين بصوا لدبلة.. إيه أحاسيسهم ناحية الدبلة دي؟؟
لو واحد ناجح في خطوبته هتفكره الدبلة بالسعادة.. لو واحد فسخ خطوبته هتفكره بالألم والحزن...
مع إن الدبلة هي الدبلة.. لكن نظرتنا ليها هي اللي خلتها تأثر فينا بطريقة مختلفة..
إعادة التأطير بقى هي إننا نغير النظرة لأي شيء أو موقف أو شخص.. علشان نستثير في داخلنا الشعور الإيجابي اللي احنا محتاجينه في حياتنا..
إيه ده.. هو ينفع؟؟
أيوه طبعا ينفع.. مش قلت لكم برمجة دماغ؟؟
تطبيقات إعادة التأطير
إعادة التأطير -زي ما قلنا- هي إننا ننظر لأي حاجة بشكل مختلف.. وبكده نقدر نشوفها أفضل ونتخلص من الطاقة السلبية اللي جوانا ناحيتها.
مثال:
واحد صاحبنا خطيبته لم تتصل به اليوم.. أكيد فيه أفكار كتير ممكن تدور في ذهنه ساعتها..
- أكيد بتحضر لي مفاجأة!
- دي بطلت تحبني!
- أكيد حصل لها حاجة!
- بيتهم ولع!
- حماتي في المستشفى!
دي أمثلة من الأفكار اللي ممكن تيجي على بال صاحبنا ده.. طيب.. كل فكرة من دول عملت فيه إيه؟؟
- أكيد بتحضر لي مفاجأة............. فكرة أصابته بالسعادة.
دي بطلت تحبني............ فكرة أصابته بالإحباط.
أكيد حصل لها حاجة............. فكرة أصابته بالقلق.
بيتهم ولع.................... فكرة أصابته بالخوف.
حماتي في المستشفى......... فكرة أصابته بالحزن (أو الفرح.. حسب!!)
عايز أقول إيه هنا؟؟
عايز أقول إن القلق والمشاعر السلبية اللي بنشعر بيها.. بيكون سببها مش الظروف الخارجية المحيطة.. لكن سببها هي الطريقة السلبية اللي بنفكر بيها طول الوقت..
يعني موقف زي اللي فات ده.. هو نفس الموقف لكن الأحاسيس الناتجة عنه بتختلف حسب طريقة تفكيرك: سعادة، إحباط، قلق، خوف، حزن، فرح..
مع إن هو نفس الموقف!!!
صح؟؟
يبقى زي ما اتفقنا قبل كده: السعادة مالهاش علاقة بالظروف المحيطة خالص.. ليها علاقة بطريقة تفكيرنا ونظرتنا لهذه الظروف..
الأفكار ليها قوة بتتحكم فينا عشان كده لازم نراقب أفكارنا..
إعادة التأطير بقى هي إننا ننظر للموقف بطريقة أخرى تقضي على مشاعرنا السلبية دي..
مثال:
عن مثال لـ(هاري ألدر وبيريل هيذر) في (NLP IN 21 DAYS)
رئيسك في العمل دايما بيتعمد التقليل من شأنك أمام الزملاء.. يجب أن تتحمله طبعا ولا يوجد ما يمكن عمله –هترد عليه يعني؟؟- وفي كل مرة بيعمل كده بيخليك متضايق طبعا..
ما الحل؟؟؟
الحل هو إعادة التأطير.. وهو واقف بيزعق لك فكر في الموقف بطريقة مختلفة:
أكيد عنده عقد نقص بيطلعها عليك..!
أكيد مراته بتضربه في البيت عشان كده جاي متضايق!
أكيد عنده مرض خطير وهيموت خلال أيام.. يا حرام!
عانى من طفولة بائسة عشان كده عايز يثبت نفسه!!
أكيد الراجل ده بيحبك ومابينامش الليل من حبك.. لكن بيحاول يداري مشاعره بالزعيق ده!!
زي ما إنت شايف في المثال ده.. مش لازم إعادة التأطير يبقى حاجة منطقية أو عقلية... ممكن تكون خيالية ولا تخضع للمنطق أصلا.. لكن إيه الإحساس اللي أثارته فيك؟؟
نفس الموقف اللي بيحصل لك كل يوم.. المدير بيزعق لك.. لكن مع إعادة التأطير بدل ما تشعر بالضيق والقلق واللي هينعكسوا على شغلك.. قدرت إنك تتحكم في القلق وتستبدله بمشاعر إيجابية لطيفة زي: الشفقة، السعادة، المرح، تقدير الذات....... إلخ..
اتدرب على الموضوع ده في أي موقف بيخليك تشعر بالقلق والضيق... عشان تستبدله بمشاعر تخلي حياتك أسعد.. وتخليك تقدر تواصل مهامك في الحياة...
القلق مالوش علاقة بالظروف المحيطة.. القلق له علاقه بمخنا اللي شغال ليل نهار يفكر في بلاوي!! يا ترى الأولاد اتأخروا ليه؟؟ يا ترى نتيجة الامتحان إيه؟؟ يا ترى.. يا ترى...
شفت؟؟
يبقى لما نتحكم في طريقة تفكيرنا السلبية هنقدر نخلي حياتنا أسعد.. مهما كانت الظروف اللي حوالينا.. فيه ناس أغنياء تعساء وفيه ناس فقراء سعداء.. إذن المقياس هو إنت نفسك وطريقة نظرتك للأشياء.. مش الظروف اللي حواليك..
إلى اللقاء في حلقة قادمة مع برمج عقلك..
نلتقي بعد الفاصل!!
| |
|
| | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ الأربعاء يوليو 23, 2008 4:54 pm | |
| جزاكم الله خيرا
مواضيع ممتازة محتاجه قراءة اكثر من مره | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الأربعاء يوليو 23, 2008 7:13 pm | |
| ربنا يكرمك يا اختى الحبيبة ووحشتينا جدا وارجو الا تغيبى عنا تانى
وموضوع اكثر من ممتاز وخاصة انى كان عندى موضوع كده محتاج لاعادة تأطير
وتم تأطيره وأخد حجمه الطبيعى خلاص فجزاكى الله خيرا | |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الأربعاء يوليو 23, 2008 7:53 pm | |
| تصدقى بالله
انتى تمام جداااا
فاكره لما قولتى الكلام ده
من كام اسبوع كده
كان عندك حق
المشكله ان الواحد ساعات بيبقى عارف كده
وغاوى ينكد على نفسه
بس تعالى هنا
ايه حكايه الدبله والخطوبه وكده
هو انتى عزمتى دكتور شريف ولاآيه؟؟؟؟ | |
|
| | |
الفارس الصغير
عضو فعال
 عدد الرسائل : 77
تاريخ الميلاد : 02/02/1998
العمر : 26
رقم العضوية : 145
:
تاريخ التسجيل : 18/06/2008
| | موضوع: رد: برمــجـ عقــلكـ الخميس يوليو 24, 2008 1:11 am | |
| | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الجمعة يوليو 25, 2008 12:51 pm | |
| - شهيدة كتب:
- جزاكم الله خيرا
مواضيع ممتازة محتاجه قراءة اكثر من مره عندك حق فعلا اختي شهيدهبجد الكلاااام مفيد جدا ومحتاجين نقرأه اكثر من مره عشان يثبتتابعوا معانا الباقي ..... | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| |
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| |
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الجمعة يوليو 25, 2008 4:12 pm | |
| انتى ضحكتى علينا وما كملتيش ليه؟ | |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الجمعة يوليو 25, 2008 9:08 pm | |
| هتكمل ان شاء الله
بس لما تحصل مناسبه جديده عندها عشان دكتور شريف معاها على الخط
ههههههه
انتى فاهمانى طبعا يا بنت الأسلام | |
|
| | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ السبت يوليو 26, 2008 6:16 am | |
| ان شاء الله منتظرين
ربنا يوفقك | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الأحد يوليو 27, 2008 12:23 am | |
|
واثق من نفسك؟ (1)
سؤال:
هل ساعات بتحس إنك أقل كفاءة من شخص معين؟
هل ده بيديك نقص في الثقة؟؟
هل جربت الإحساس ده فعلا؟؟
هل عندك ثقة تامة في ذاتك؟ ولاّ ساعات الثقة دي بتخونك؟
بيحصل ساعات مش كده؟
تعالوا نعرف القصة من أولها…
الثقة
الثقة في النفس مش ثابته وغالبا بتتأثر بالظروف اللي حوالينا … يعني مثلا صحيت من النوم لاقيت الجو كويس ولاقيت تقدير من (والديك- شريك حياتك- جيرانك…) ولاقيت الناس كلها مبتسمة في وشك.. أكيد هتشعر بالثقة وإنت نازل من بيتكم.. صح؟ لأنك هتحس إن لك دور مهم في حياة الناس دي…
لكن لو نزلت لاقيت واحد طرطش مية من الدور السابع وإنت ماشي في ال****.. هيكون إحساسك إيه؟ هل ثقتك هتفضل زي ما هي؟؟
مثال:
"أحمد" كان متعود يروح النادي كل يوم يلعب اسكواش.. وكان بيغلب كل منافسيه وكان ده مصدر فخره.. لكن في يوم حصلت له إصابة في الرباط الصليبي والدكتور نصحه مايمارسش الرياضة دي تاني.. هل لما يقابل الناس اللي كانوا بينافسوه في الاسكواش, هل هيتعامل معاهم بثقة زي الأول؟
كيف تزيد الثقة في ذاتك؟
أولا لازم نعرف إن الثقة دي مش ثابتة زي ما قلنا.. يعني الطبيعي إن ثقتك النهارده مش زي بكره مش زي بعده.. المعدل بيطلع وينزل.. ده الشيء الطبيعي.. اللي احنا بنعمله هو إن الثقة دي تبقى مرتفعة طول الوقت.. ممكن تنخفض شوية.. ساعتها تنفذ الخطوات اللي هنقول عليها دي…
خطوات زيادة الثقة..
1- ابحث عن نقاط القوة..
فيه حاجة ظريفة جدا مخنا بيعملها…
لو فيه حاجة إنت متفوق فيها, غالبا بتحس إنها شيء عادي وبديهي بالنسبة ليك.. وإن أي حد ممكن يعملها.. فممكن ماتحسش إنها نقاط قوة عندك أساسا..
مثال:
لي صديق اسمه "حسام".. كان متعود يكتب قصص ساخرة من واحنا في المدرسة.. وكان مستوى القصص دي رائع في رأيي..
مرت الأيام وبقيت رئيس قسم في جريدة مشهورة وبقيت مسئول عن خريطة النشر.. طبعا اتصلت بيه وطلبت منه يكتب لنا قصص علشان ننشرها في القسم بتاعنا…
عارفين عمل إيه؟
رفض!!
قال إنه مش موهوب قوي وإنه مايستاهلش ينشر في جريدة كبيرة زي دي.. وقال إن دي فرصة أكبر منه!!
طبعا فضلت أزن على دماغه وأتبع إستراتيجيات التفاوض
(هاحكيها ليكم في أعداد قادمة) واقتنع في النهاية..
ونشرت له أول قصة ليه..
عارفين كانت إيه النتيجة؟
لما رحت الجريدة بعدها لاقيت الجميع معجبين بقصته وأسلوبه.. لحسن الحظ كان معايا "حسام" ساعتها وسمع كلام الناس عن أعماله…
أكيد متخيل الثقة اللي هو كان حاسس بيها… صح؟
عايز أقول إيه؟
اللي عايز أقوله هو إنك لازم تبحث عن نقاط القوة اللي عندك.. ممكن تكون نقاط القوة دي حاجات إنت حاسس إنها عادية وإن ممكن أي حد يعملها..
لو فيه نقاط قوة إنت عارفها أصلا.. ابحث عن غيرها.. ابحث عن الحاجات اللي إنت بتعملها عادي جدا وممكن ناس كتير حواليك مش عارفين يعملوها.. اعرفها مهما كانت بسيطة…
اكتبها واقراها بتمعن.. عملية كتابتك ليها بترسخ المعتقدات دي في ذهنك أكتر..
اكتب نقاط قوتك في هذه المساحة.. خذ وقتك وفكر.. ثم اكتب هذه الأشياء مهما كانت صغيرة في نظرك.. هل تنشر البهجة في قلوب الأصدقاء؟ هل تحب مساعدة الآخرين؟ ما هوايتك؟؟ ماذا تجيد؟؟ بماذا تتميز؟؟
اكتب كل هذه النقاط هنا لأنها ستساعد على إكسابك الثقة والقوة..
نقاط تميزي هي:
2- ركز في نقاط القوة:
فيه قانون في العقل الباطن اسمه (قانون التركيز).. قلناه قبل كده لو فاكرين..
القانون ده بيخليك لو ركزت على حاجة هتغطي على الحاجات التانية وهتنمو وتزيد…
مثال:
اوصف شخص إنت بتكرهه..
إيه اللي حصل هنا؟
إنت بتكره الشخص ده فمركز على الجوانب السيئة اللي فيه.. في حين إن أكيد فيه جوانب كويسة.. أكيد يعني.. عمره ما جامل حد؟؟ عمره ما ابتسم في حياته؟؟ عمره ما ساعد حد في حياته؟؟ أكيد عمل حاجات كويسة إنت عارفها بس الحاجات دي مش جاية على بالك لأن (قانون التركيز) خلاك تركز على الجوانب السلبية بس..
بعد ما عرفت نقاط القوة اللي عندك, ركز انتباهك عليها.. خليها دايما في بالك وإنت بتتعامل مع أي حد أو في أي موقف في حياتك.. لما تركز في النقاط دي هتلغي نقاط الضعف اللي عندك… لو "محمد علي كلاي" ركز على إنه مش عبقري زي "أينشتاين" كان أصابه الاكتئاب!! لكنه ركز على نقطة قوته واللي خلته يتفوق في مجاله.. لاحظ إن كلمته الشهيرة كانت: "I'm the greatest" !
مفيش حد كامل في الدنيا دي.. اللي عنده فلوس ممكن يكون ناقصه شخصية جذابة.. ممكن واحد عنده قصر يزعل إنه ماعندوش جزيرة.. واللي عنده جزيرة يزعل إنه ماعندوش اتنين.. واللي عنده جزيرتين ممكن يزعل عشان ماعندوش سلطة مثلا زي الملك الفلاني... لو الناجحين بيفكروا كده ماكانوش اتقدموا خطوة...
ركز في اللي عندك وخليك مؤمن بيه وبقوته.. هيوصلكللثقة التامة في النفس..
لكن لو ركزت على نقاط ضعفك ده هيكون الحاجة اللي بتشدك لورا وتعيق تقدمك.. وتدمر ثقتك في نفسك..
الاختيار في إيدك إنت!
نقاط قوتك أهي:راجع الكلام اللي انت كتبته
اقراهم بتمعن.. حطها في محفظتك -في درجك– في شنطتك أو علقها في غرفتك..
وجود النقاط دي أمامك وقراءتها بترسخ المعتقدات دي في ذهنك أكتر..
وارجع هنا اكتبهم تاني لو حبيت تعدل حاجة...
3- التقدير..
كلنا محتاجين للتقدير.. فاكر لما كانوا بيصفقوا لك في الفصل؟ فاكر لما نجحت وأهلك كانوا فرحانين بيك؟
إحساس رائع مش كده؟
كتير مننا الدافع الرئيسي وراء حياتهم هو البحث عن التقدير.. عايزين الناس تحترمنا -تفخر بينا- تعجب بينا طول الوقت.. صح؟
طيب.. ده شيء جميل جدا ومطلوب.. لكن فيه مشكلة بقى..
سؤال:
ماذا لو لم تجد التقدير المطلوب بعد أن أنجزت شيئا مهما؟
ماذا لو توقف أحدهم عن تشجيعك ومساندتك؟
هل ستستمر في الإنجاز والنجاح بنفس الدرجة؟
هي دي المشكلة.. إنك بكده تكون ربطت نجاحك بظروف خارجية مالكش تأثير عليها.. بقيت كده عامل زي الريشة في مهب الريح.. تجيبك شمال تجيبك يمين.. مطرح تقدير الناس ما يوديك!!
لو توقف التقدير من الآخرين ممكن تتوقف عن الإنجاز وتفقد الثقة في نفسك..
طيب إيه العمل بقى في المعضلة دي؟
فيه حل عبقري يعتبر خدعة للعقل الباطن.. عشان يخليك ماتحتاجش التقدير من الآخرين.. (وزي ما إنتم عارفين, فيه طرق بنخدع بيها العقل الباطن عشان يخلينا نحس بالأحاسيس اللي احنا نقررها.. إنتم لسه شفتم حاجة؟)
طريقة خداع العقل الباطن كي نتوقف عن طلب التقدير الذاتي من الآخرين:
الطريقة دي بسيطة جدا وهتخليك يبقى عندك اكتفاء ذاتي من التقدير ومش هتكون محتاج تشجيع طول الوقت من حد..
الطريقة بسيطة جدا وممكن تستهيفها.. لكن مش ممكن تتخيل مدى تأثيرها..
الطريقة دي هي:
إيه ده؟ أنا طولت عليكم.. نكمل المرة الجاية إن شاء الله..
| |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الأحد يوليو 27, 2008 12:40 am | |
| نقولك ايه يابنت الاسلام
بس هو آيه حكايه دكتور شريق معاكى
مش ملاحظه حاجه فى المقال
لما أشوفك بقى
المهم بجد ربنا يعزك الموضوع رائع جدا
زيك بالظبط
الله عليكى
مهم اوى نركز على نقاط قوتنا فعلا
ونكتشفها
فعلا ممكن تكتشف فيكى طاقه جباره قدرا كده
ولا يكون عندك اى ترتيبات لهذا المهم منتظرين الباقى | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الأحد يوليو 27, 2008 6:37 am | |
| جزاكى الله خيرا فعلا موضوع مهم جدا
نفعنا الله واياكى
وسلميلى على دكتور شريف | |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الأحد يوليو 27, 2008 1:34 pm | |
| وانا كمان والله يا أخت مهاجره نفسى أسلم عليه
شكلها شغاله معاه من ورانا خير خير
يارب بس تتدخل وترد | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الأحد يوليو 27, 2008 1:36 pm | |
| على الاسبوع الجاى وعليكى خير
على ماتفضى وعقبالكوا كلكوا | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الثلاثاء يوليو 29, 2008 2:41 pm | |
|
هههههههههههههههههههههههههههه
معلش المشغوليات كتييير شويه
بس في الدراسه والنتيجه .... دعواتكم
جزكم الله خيرا للمتابعه
| |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الثلاثاء يوليو 29, 2008 3:19 pm | |
| واثق من نفسك؟ (2)
نكمل مع بعض الطرق اللي بيها ممكن تحصل بيها علىالثقة في الذات وتخليك متحكم في حياتك وتقضي على أحاسيسك السلبية..
(دي الحلقة التانية لو ماكنتش قريت الأولى إنصحك ترجع وتقراها.. )
3- التقدير..
سؤال:
فاكر لما كانوا بيصقفوا ليك في الفصل؟ فاكر لما نجحت وأهلك كانوا فرحانين بيك؟
إحساس رائع مش كده؟
كتير مننا الدافع الرئيسي وراء حياتهم هو البحث عن التقدير.. عايزين الناس تحترمنا -تفخر بينا- تعجب بينا طول الوقت.. صح؟
كلنا محتاجين للتقدير عشان نشعر بالثقة في الذات.. صح؟
طيب.. ده شيء جميل جدا ومطلوب.. لكن فيه مشكلة بقى..
سؤال:
ماذا لو لم تجد التقدير المطلوب بعد أن أنجزت شيئا مهما؟
ماذا لو توقف أحدهم عن تشجيعك ومساندتك؟
هل ستستمر في الإنجاز والنجاح بنفس الدرجة؟
وقفنا المرة اللي فاتت لحد هنا.... وقلنا إن فيه طريقة نخدع بيها العقل الباطن علشان مانحتاجش التقدير من الآخرين ومانخليش ثقتنا في نفسنا تحت تصرفهم..
أسلوب: المكافأة!!
لما تعمل حاجة كويسة وتحس إن إنت أنجزت.. كافئ نفسك..!!
أيوه.. هات لنفسك بوكيه ورد..!
اعزم نفسك على مطعم بتحبه..!
هات هدية تكون نفسك فيها..!
بس كده!!
ممكن تقول: إيه العبط ده؟ ده كلام فاضي.. أنا مش مقتنع..
استنى بس اسمعني.. ممكن تهدّي نفسك وتسمع أنا عايز أقول لك ....أوك؟
أيوه كده هدّي نفسك.. اسمع بقى..
الطريقة دي لها فوائد رائعة.. منها:
1- مش هتحتاج تقدير من الآخرين لأن التقدير إنت هتديه لنفسك!
العقل الباطن محتاج تقدير.. وإنت هتديهوله.. هو مش بياخد باله من الحاجات دي..
2- الدوافع للنجاح هتكون بكده داخلية مش خارجية!
الدوافع للنجاح لما بتكون داخلية بتكون أقوى وتأثيرها مستمر (هنشرح الدوافع بالتفصيل في حلقة قادمة)
3- درجة التقبل الذاتي هترتفع!
هتقدر تتقبل نفسك أكتر وتتصالح مع ذاتك...
الموضوع ببساطة ومن غير مصطلحات وكلكعة: لما تعمل حاجة كويسة كافئ نفسك.. فرح نفسك يعني!!
ولا تهتم برأي الناس.. خليك فاكر إن رأي الناس فيك لا يدل عليك.. المهم هو رأيك إنت في نفسك..
وشوف النتيجة بنفسك.... وماتنساش تدعي لي!
4- المقارنة:
الحصول على الثقة شيء مطلوب طبعا.. لكن فيه ممارسات بنعملها بتدمر الثقة دي تماما.. ومن أهم الممارسات دي إننا دايما بنعمل مقارنات بينّا وبين الناس الأعلى مننا..
المقارنة بالناجحين مهمة لو كانت هدفها التحفيز.. لكن لو زادت لدرجة إصابتك بالإحباط, فكر فورا في حد أقل منك.. روح قابله واتكلم معاه.... قارن بقى بينك وبينه عشان تعرف النعمة اللي إنت فيها!!
5- التكلم مع الذات:
العقل الباطن عامل زي جهاز الكمبيوتر بالضبط.. أي معلومات بتديها ليه بيتبرمج عليها ويتصرف على أساسها..
تمرين:
كرر جواك الجمله دي:
أنا فرحان - أنا سعيد – أنا طاير من الفرحة...
راقب إحساسك.. حاسس بإيه؟
أكيد حاسس بشوية انبساط وممكن كمان تكون ابتسمت..
القصة هي إن أي حاجة بنقولها أو بنرددها, العقل الباطن بيتبرمج عليها لا إراديا ويتصرف على أساسها.. يعني لو كنت في حياتك بتكرر كلمة: أنا فاشل - انا غير كفء - أنا مش نافع..... العقل الباطن مش هيخذلك وهينفذ ليك الأوامر دي بالحرف!!!!
بعد ما تقول كلمة (أنا....) احذر من الكلمة اللي جاية بعدها.. لأنها بتعتبر أمر للعقل الباطن إنه ينفذها ويقرنها بشخصيتك.. ماتكررش إنك عديم الكفاءة والخبرة والحاجات دي.. لأن الكلمات دي نفسها هي السبب في انعدام الثقة...
استبدلها بحاجات إيجابية سواء في كلامك مع الناس أو كلامك بينك وبين نفسك.. استبدلها بحاجات زي: أنا واثق من نفسي - أنا أستحق - أنا قوي....
ولاحظ تأثيرها في أي موقف..
..أهم حاجة إنك تدي نفسك تأكيدات لغوية تديك ثقة في نفسك..
والموضوع ده ناقشناه بالتفصيل قبل كده..
6- إعادة التأطير:
فاكرين العنوان الغلس ده؟ أيوه دي طريقة مهمة عشان تنظر للواقع بطريقة تخليك تزيد من ثقتك بنفسك..
دي خطة الثقة اللي حضرتها ليكم.. مش لازم تستخدمها بالترتيب.. استخدمها كلها في نفس الوقت أو واحدة واحدة.. براحتك.. المهم إنك تجربها وتعرف تستخدمها في الوقت المناسب...
موضوعنا خلص؟
لأ لسه.. فيه حاجات تانية ممكن تعملها عشان تزيد ثقتك في نفسك.. منها الطريقة اللي ماحدش قالها على النت قبل كده -على حد علمي-.. عشان فيها عمق وهتدخل جوه نفسك وتظبط حاجات!!
الطريقة دي اسمها (الرابط- التثبيت) أو (anchoring).. هي ليها أسماء كتير بس هاشرحها ليكم بالتفصيل في حلقة منفصلة تماما..
التكنيك ده يقدر يخليك تستدعي المشاعر اللي إنت عايزها في الوقت المناسب..
عايز ثقة في المواقف الصعبة؟
عايز سعادة في المواقف الكئيبة؟
يبقى لازم تقرأ الحلقة القادمة
| |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الثلاثاء يوليو 29, 2008 3:51 pm | |
| بجد يا بنت الأسلام جامده جدا الحلقه
ربنا يكرمك
بس بجد الموضوع مهم جدا
محتاجينه جدا
خصوصا فى الاقات اللى بنبقى نعمل حاجات كتير وفجاءه المحبطات تتجمع
فينك يابنتى من زمان
ربنا يكرم د\ شريف بجد
منتظره الحلقه الجايه بفارغ الصبر | |
|
| | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ الثلاثاء يوليو 29, 2008 4:15 pm | |
| | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الثلاثاء يوليو 29, 2008 5:40 pm | |
| الثقة بالنفس من أهم مقومات الشخصية الريادية
مشكورة يا بنت الاسلام | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الأحد أغسطس 03, 2008 4:13 am | |
| اين التكملة يا بنت الاسلاااااااااااااااااااااام
انتى نسيتينا ولا ايه
اللى واخد عقلك دا لسه بدرى على كده | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الأحد أغسطس 03, 2008 11:49 am | |
|
لاء طبعا هو انا اقدر انساكم
عندي امتحان بكره ان شاء الله ......دعواتكم
جزاكم الله خيرا
اخواتي: عاشقة الاقصى ...المهاجره الى الله...شهيده
اسيبكم بقى مع الحلقه الجديده
| |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| |
| | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ الأحد أغسطس 03, 2008 12:16 pm | |
| جزاكم الله خيرا
فهو موضوع رائع
فعلا نحذر الحوار السلبى لان الواحد مجربه فله تاثير سلبى على الانسان
وعلى نفسيته
ان للشيطان دور كبير فى الحديث السلبى
وسوء الظن يتمكن من الانسان
فلنحسن الظن دائما وتكون حوارتنا ايجابية
ويكفى الحسنات التى ناخذها من الحوار الايجابى | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الأحد أغسطس 03, 2008 12:50 pm | |
|
فعلا اختي شهيده
كلاامك مظبوط
لذلك نهانا رسول الله صلى الله عليه وسلم عن سوء الظن
----------------------------------------
انا اسفه جدا حاولت احسن من شكل الموضوع لكن التعديل مقفول
يارب يكون واضح نوعا ما ....
---------------------------------------
كنت عايزه اخد رأيكم في حاجه...
الحلقه الجايه ان شاء الله عن الحب واختيار شريك الحياه والزواج
هي حلقه بصراحه مفيده جدااااا
بس مش عارفه انزلها ولا هتخالف قوانين المنتدى....
لان نقريبا من القوانين مانكتبش مواضيع عن كدا....
منتظره ارائكم.
جزاكم الله خيرا
| |
|
| | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ الأحد أغسطس 03, 2008 2:01 pm | |
| ارسلى الموضوع فى رسالة للقعقاع
وان شاء الله سوف يعطيك الرد | |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الأحد أغسطس 03, 2008 8:19 pm | |
| اتوكلى على الله يااخت بنت الاسلام
والحلقه حلوه على فكره
وارحمينا بقى من حلقاتك اللى مش بتخلص عن الواحد اللى خطيبتها منفضه ليه ده
وبعدين ادخلى شويه المنتدى
والا مش هندخل الموضوع تانى
مش بتدخلى الموضوع وتجرى تختفى
عايزن ردود فى المنتدى كله | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الإثنين أغسطس 04, 2008 11:48 pm | |
| اعذريها يا عاشقة الاقصى ليكى يوم وعقبالك ماهو كاس وداير | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الثلاثاء أغسطس 05, 2008 10:53 am | |
|
ربنا يكرمك اختي المهاجره ويخليكي ليا وتردي غيبتي كدا على طول
بس والله الفتره اللي فاتت كان عندي امتحان وتدريب وكرس وشوية حاجات كدا كتييير وتقريبا طول اليوم بره البيت
متزعليش يا عاشقة الاقصى انا فضيييت وهتابع ان شاء الله المواضيع
| |
|
| | |
شهيدة
مراقب عام منتديات الأسرة والمجتمع
عدد الرسائل : 1397
رقم العضوية : 59
:
تاريخ التسجيل : 27/04/2008
| | موضوع: رد: برمــجـ عقــلكـ الثلاثاء أغسطس 05, 2008 11:35 am | |
| ان شاء الله منتظرين ومتبعين معكى
وخدوى وقتك ولا تقلقى
عاشقة الاقصى بتمزح معكى | |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الأربعاء أغسطس 06, 2008 9:47 am | |
| يا حبيبتى دا أقل واجب طب حد كده يتكلم وشوفى انا هعمل ايه
اللى هتتكلم هجيب لها عريس علشان تتلخم فيه على طول | |
|
| | |
القعقاع
مدير عام منتدى البركة
عدد الرسائل : 1194
رقم العضوية : 1
:
تاريخ التسجيل : 07/02/2008
| | موضوع: رد: برمــجـ عقــلكـ الخميس أغسطس 07, 2008 8:00 pm | |
| جزاكم الله خيراً
وننتظر الحلقة القادمة | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الجمعة أغسطس 08, 2008 2:23 pm | |
| | |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الجمعة أغسطس 08, 2008 8:58 pm | |
| اهلا اهلا يابنت الأسلام
وبعدين يا اخت مهاجره
هيا مش مشغوله عشان كده
وهو فعلا كأس وداير
هو احنا هنموت يا اخت مهاجره ولا آيه
ههههههه
وبعدين ماشى هتعملوا عليه رابطه ماشى ماشى
عموما يعنى
الحلقه حلوه يابنت الأسلام
وعلى فكره موضوع شريك الحياه ده
مهم جدا
انا من رأيى لازم يبقى فيه تعايش
لانه مثلا لو واحده رومانسيه وواحد عقلانى
ينفعوا يعيشوا مع بعض
أانا من رأيى ايوه
لان فيه مواقف من الحياه بتحتاج رومانسيه وعاطفه
ومواقف عقل وبالتالى الاتنين هيكملوا بعض ويطوروا بعض
لكن لو الاتنين رومانسيين
يبقى عليه العوض ومنه العوض
وعلى ذلك حاجات كتير جدا
انا فى رأيى العلاقه بين اى اتنين
شريك الحياه يعنى
لازم تقوم على التتكامل
يعنى يكملوا بعض ويقبلوا بعض
لأن يستحيل الواحد هيلاقى حد زييه تماما
بس أكيد يبقى فيه نقاط اتفاق
زى اساسيات الشخصيه
يعنى فى واحده يستحيل تتجوز واحد حريص شويه ممكن تموت مثلا
يعنى الكرم بالنسبه ليه صفه يستحيل تتنازل عنه
فيه واحده مثلا عادى
وهكذا
لكن للأسف فى ناس بقى بتبقى عاوزين واحد متفصل على قدها
طبعا احنا بنتكلم بعد اول أساس عريض اوى وهو الالتزام وبالنسبه للبعض الانتماءات
وصدقينى يابنتى
وعلى فكره انا نفسى أشوف رأيى اخواتنا واخواننا المتزوجين هنسمع البدع
اول كلمه هيقولوها
الجواز زى البطيخه
الجواز نوايا وكل واحد ونيته بقى
بس موضوع جامد
وياريت ربنا ينفخ فى صورتك وتنورينا دايما
| |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| |
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ الجمعة أغسطس 08, 2008 11:45 pm | |
| الهويه تذوب
ازاى يعنى أفهمها ديه؟
الهويه هتذوب
بيتهيآلى هيحصل تكامل يعنى هيكملوا بعض ويطوروا بعض
كده تبقى الحياه أحلى
وبعدين بنت الأسلام
مش طبقت الحلقه ديه وبس
ديه طبقت كل ما ذكر فى هذا الموضوع
بس حلوه حكايه الطرشى ديه والعسل ههههه
الحمد لله لقينا زوجه متفائله
اصل انا والله لما بمشى فى الشارع بيتعرفى المتزوجين منا للى كاتبين كتابهم على طوووووووول
ومن المخطوبين
تلاقى المتجوزين كل واحد ماشى يبص فى حته غير التانى خالص
وبيبقى جوزها هاين عليه يرميها تحت اول عربيه تقابله
ساعتها بقول فعلا الاسلام هو الحل
| |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الجمعة أغسطس 08, 2008 11:51 pm | |
| مش ده لو مشيوا جنب بعض أصلا
انا قصدى ان مش هيبقى فى انا وانت لا هيبقى فى احنا | |
|
| | |
عبد الرحمن الناصر
عضو متميز
عدد الرسائل : 207
تاريخ الميلاد : 02/01/1987
العمر : 37
رقم العضوية : 161
:
تاريخ التسجيل : 25/06/2008
| | موضوع: رد: برمــجـ عقــلكـ الجمعة أغسطس 08, 2008 11:55 pm | |
| مع احترامى التام لكلامكم فى موضوع الاختيار
لا تفق معكم
الزواج قدر
لو مقدر لم ان تتزوج الانسانة الفلانية فسوف تتزوجها
اما اذا لم يقدر انك لم تتزوجها لم تتزوجها و إن كنتوا على الكوشه
انا شايف ان الكلام فى المواضيع دى بدأ يزيد و يكتر اوى
انا عارف انه موضوع لذيذ و فيه خواطر كتير لكن عزرا بيخلق باب من ابواب التفكير فى اشياء ليست وقتها
و دى برضه برمجه
| |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ السبت أغسطس 09, 2008 12:10 am | |
| ما حدش قال ان احنا موافقين على الكلام اللى بيتقال عن الزواج
طبعا احنا مؤمنين ان الزواج منة ونعمة من الله عزوجل
احنا بنتكلم على نقطة الهوية | |
|
| | |
عاشقه الاقصى
عضو ذهبى
عدد الرسائل : 574
تاريخ الميلاد : 20/04/1989
العمر : 35
العمل : طالبه
المزاج : تمام التمام
رقم العضوية : 45
:
تاريخ التسجيل : 12/04/2008
| | موضوع: رد: برمــجـ عقــلكـ السبت أغسطس 09, 2008 12:25 am | |
| اولا فى موضوع مكتوب عن الاختيار فوق
وعلى هذا الكلام نتناقش
وبعدين هل هناك تعارض مع كون الزواج قدر
والاختيار
أظن لا
لان الرسول قال احاديث عن الزواج وتدلنا ازى نختار
وبعدين كلامنا فوق من باب سرد لبعض المواقف
| |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ السبت نوفمبر 22, 2008 6:09 pm | |
|
بعد غياااب كبير عن المنتدى
وعن الموضوع بسبب النت وظروفه الصحيه
اعتذر عن انقطاع الموضوع
وان شاء الله نكمله تاني مع بعض
| |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ السبت نوفمبر 22, 2008 6:28 pm | |
| (سأحكيلك قصة= فاصل اعلاني)
في يوم من الأيام.. دخلت أحد المبان قاصدا أحد الطوابق العليا.. فاستدعيت الأسانسير ( المصعد) و وقفت في انتظاره.. و بعد قليل جاء شخص آخر يريد الأسانسير..
لاحظ معي ماذا فعل :حياني في أدب ثم ضغط زر استدعاء الأسانسير و وقف إلى جواري ينتظر..
هل لاحظت شيئا غريبا ؟لقد رآني و أنا واقف في انتظار الأسانسير.. و على الرغم من ذلك ضغط زر استدعاء المصعد !
أمال أنا واقف باعمل إيه يعني ؟ لا أتأمل جمال المصعد طبعا لو اعتقدت هذا.. لقد ضغطت الزر قبله بالتأكيد, لأنني واقف أنتظر المصعد ! بالتأكيد يحدث لك هذا الموقف كثيرا .. أليس كذلك ؟هل تعرف التفسير العلمي لما حدث ؟(البرمجة السابقة)تبدأ عقولنا في تخزين جميع خبراتنا و تجاربنا السابقة ... و نبدأ في التصرف و الحكم على الأشياء من خلال هذه التجارب و الخبرات دون تفكير.. و بعد ذلك نقوم بالتصرفات التلقائية التي تمت برمجتنا عليها.. دون أن نحاول أن نلاحظ ما إذا كانت صحيحة أم لا..فاهم حاجة ؟؟ طيب بلاش .. خد المثال ده أبسط :اقرأ معي بسرعة الجمل المكتوبة في المثلثات:
بالتأكيد لمتلاحظ أن كلمة (في) مكتوبة مرتين .. أليس كذلك ؟ هل تعرف ماذا حدث ؟طبقا لخبراتك السابقة .. فقد تمت برمجة عقلك أن كلمة ( في ) لا تكتب سوى مرة واحدة في الجملة.. لذلك لم يراها عقلك و جعلك ترى الجملة ( في ضوء تجاربك السابقة )
لا كما يجب أن تراها !ما أقصده بهذه الأمثله هو أن أوضح أننا نرى العالم طبقا لبرمجتنا السابقة فقط.. لا كما يجب أن نراه.. نحن لا نرى الحقيقة لكننا نراها في ضوء تجاربنا نحن !!(أختلف معك)حين نختلف مع شخص ما في الرأي, يتمسك كل منا برأيه الذي كونته خبراته و تجاربه السابقة..حاول ان ترى الصورة الحقيقية.. ليس كل ما تراه صحيحا هو – بالضرورة – صحيح...! لأنك ما تراه هو ما تمت برمجة عقلك عليه .. ألم تخطئ منذ قليل في قراءة حرف (في) الزائد ؟اعد التفكير في كل ما تراه صحيحا بالنسبة لك.. اقبل النقاش وأعد النظر في أفكار من يختلفون معك... إنهم – فقط – لم تكن لهم تجاربك السابقة التي تؤهلهم كي يفكروا مثلما تفكر.. لماذا لا تتقبل فكرة أنهم ربما يكونون على شيء من الصواب ؟حاول أن تتفهم وجهة نظر الآخرين و لا تتمسك برأيك دائما لمجرد أنه رأيك.. أعد النظر في برمجتك السابقة و لا تفترض دائما أن كل ما تراه صوابا و بديهة هو – بالضرورة – صوابا و بديهة !(الفيل والعميان)يحكى أن ثلاثة من العميان دخلوا في غرفة بها فيل.. وطلب منهم أن يكتشفوا ما هو الفيل ليبدأوا في وصفه..بدأوا في تحسس الفيل و خرجكل منهم ليبدأ في الوصف :قال الأول : الفيل هو أربعة عمدان على الأرض !قالالثاني : الفيل يشبه الثعبان تماما !و قال الثالث : الفيل يشبه المكنسة !وحين وجدوا أنهم مختلفون بدأوا في الشجار.. و تمسك كل منهم برأيه و راحوا يتجادلون ويتهم كل منهم أنه كاذب و مدع !بالتأكيد لاحظت أن الأول أمسك بأرجل الفيل والثاني بخرطومه, و الثالث بذيله..كل منهم كان يعتمد على برمجته و تجاربه السابقة.. لكن .. هل التفتّ إلى تجارب الآخرين ؟(من منهم على خطأ)في القصة السابقة .. هل كان أحدهم يكذب ؟ بالتاكيد لا .. أليس كذلك ؟من الطريف أن الكثيرين منا لا يستوعبون فكرة أن للحقيقة أكثر من وجه.. فحين نختلف لا يعني هذاأن أحدنا على خطأ !! قد نكون جميعا على صواب لكن كل منا يرى مالا يراه الآخر !(إن لم تكن معنا فأنت ضدنا !) لأنهم لا يستوعبون فكرة أن رأينا ليس صحيحا بالضرورةلمجرد أنه رأينا !لا تعتمد على نظرتك وحدك للأمور فلا بد من أن تستفيد من آراءالناس لأن كل منهم يرى ما لا تراه .. رأيهم الذي قد يكون صحيحا أو على الأقل , مفيدلك !
يستطيع الفيل أن يرفع بخرطومه حمولة وزنها طن بينما في السيرك تجد هذا المخلوق العظيم يقف بهدوء مربوطا إلى جانب قطعة خشب بسيطة.
ليس في الأمر غرابة؟؟؟
ففي صغره قبل أن يصبح قويا كان الفيل يربط بسلسلة موصولة بعمود حديدي ثابت يستحيل عليه التخلص منه, مهما حاول.
وفي مراحل نمو الفيل وكلما زادت قوته فإنه لا يحاول كسر القيد مرة أخرى. لم ؟؟
الإجابة بكل بساطة لأنه يعتقد أنه ... لا يستطيع.
العديد منا يتصرف مثل فيل السيرك فيبقي نفسه مقيدا وأسيرا في تفكيره وفعله طوال حياته هو لا يحاول أبدا أن يتقدم إلى أبعد من الحدود التي وضعها لنفسه لذا تجده دائما ما يكرر كلمات لا استطيع .. لا أقدر...
الخلاصة:
يستطيع الآخرون إعاقتك أو توقيفك عن تحقيق إنجازاتك ... مؤقتا
ولكنك أنت نفسك الوحيد الذي يستطيع إعاقة نفسه دائما
وباستمرار تذكر إن مهاراتك وقدراتك ومواهبك لن تكون ذات قيمة إلاّ إذا عرفتها ولن تكون ذات فائدة ما لم تستثمرها.
كلمة أخيرة:
البالون لا يطير بسبب لونه بل بما في داخله.
| |
|
| | |
المهاجرة الى الله
مراقب عام المنتديات الأسلامية
عدد الرسائل : 1599
رقم العضوية : 44
:
تاريخ التسجيل : 10/04/2008
| | موضوع: رد: برمــجـ عقــلكـ الأحد نوفمبر 23, 2008 2:55 pm | |
| حلقة جميلة يا بنت الاسلام ذكرتينى بمقولة اعجبتنى(رايى صواب يحتمل الخطأ وراى غيرى خطأ يحتمل الصواب)
ومرحبا بك معنا مرة اخرى بعد طول غياب | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الثلاثاء نوفمبر 25, 2008 4:38 pm | |
|
نورتي الموضوع اختي المهاجره
جزاك الله خيرا للمرور
عدل سابقا من قبل بنت الاسلام في الثلاثاء نوفمبر 25, 2008 4:58 pm عدل 1 مرات | |
|
| | |
بنت الاسلام
عضو فعال
عدد الرسائل : 77
تاريخ الميلاد : 24/10/1988
العمر : 35
رقم العضوية : 110
:
تاريخ التسجيل : 03/05/2008
| | موضوع: رد: برمــجـ عقــلكـ الثلاثاء نوفمبر 25, 2008 4:55 pm | |
| | |
|
| | |
| | برمــجـ عقــلكـ | |
|
