ارجع ......... بأه

موضوع: ارجع ......... بأه السبت أبريل 26, 2008 4:40 am

الشاعر/ جمال بخيت

إرجع بأه وفك حبل المشنقة
وامسح همومنا باللقا
ياجدرنا تحت التراب
يا حلمنا فوق السحاب
يا عمرنا طال العذاب
فى الإنتظار
رجعوا التتار
لكننا أشواك بتتحدى العطش
وجنود بتتحدى الفرار
نسقط ساعات
لكننا نفضل كبار
نفتح عيون للانبهار
متشوقةفارجع بأه
وفك حبل المشنقة
وارفع راياتك يا أبى
قريش بتسأل عن نبى
يهديها من بعد العمى
خالد قتل مسيلمة
لكن جنوده الكدابين
عينهم فى طابايتحدوا فرسان الخطابة
ويلجموهم بالسكوت
فى عصر بيروت الحزين
خالد قتل مسيلمة
لكن جنوده الكدابين
بيفتتوا دلتاك بصبروبيحفرولى فى سينا قبر
وبيركبوا نيلى العنيد
وبيخنقونى فى الصعيد
بكلام نكت وبتريقه
فارجع بأه
دا الهزل زادوالباشا إيده على الزناد
وصدقى بيصلى لفؤاد
وبيحلفوا نرجع عبيد
نتباع فى أسواق الكساد
الهزل زاد
والباشا إيده على الزناد
والسد جوه الفوهة
لو ينسفه تغرق بلادك كلها
وتعود سنين الأوبئة
تسكن ضلوعنا الضيقة
فأرجع بأه
الشمس سكنت كل غرب
حلفت ما ترجع للشروق
من أى شرق
إن لم تكن فى الأنتظار
إنت وسيفك -والتتار تحت القدم-
فأقضى بصوتك على العدم
إعدل موازين الزمان
رتب نجومنا فى الفضا
وأكسى وجوهنا بالرضا
بعد الشقى
دى الأمة لسه محتاجاك
والأرض لسه مهيأة
فأرجع بأه

جزاك الله خيرا

راجع وشايل فوق كتافى هموم
راجع وشايل ضحكة للمظلوم
لكن عشان أرجع صحيح
لازم هنرجع كلنا
واليوم
مش بكرة أو بعده
الحلم لو نبعد
يجي الهوان بعده
راجع وشايل ضحكة للمظلوم

طب اكتب الله على الشاعر جمال بخيت والكلام الموزون
ولا على رد ابو نور الدين

اللى هيرد علينا دائما بالشعر

رد رائع من ابو نور الدين

وجزى الله خيراً كل من رد وشارك بتعليق

الله عليك يا عم

زودت علينا الهم
دا الحال بقى يغم
والظالم ما بيتلم
ولا عاد عنده دم
أسف ..
نسيت انه أصلا ماكنش عنده دم

انا مش هاعرف ارد بشعر زيكم

لكن هقولكم
جزاكم الله خيرا جميعكم

جميل اختيارك للقصيدة الجميلة دى ف الوقت دة بالذات احنا محتاجين هذه النوعية من الأشعار معبرة بجد جزاكى الله خيرا