دموع على الارض

موضوع: دموع على الارض السبت يناير 03, 2009 2:58 pm

ف البدايه
تسمحوا لي أعرفكم
أنا بنفسي
أنا /حفيد البنا
ودا اسمي
ميلادي كان ف سبتمبر
48 ف القدس
وعيت ع الدم والصرخه
واخويا شهيد
فدا الأقصى
أبويا ..
جريح
وعمى..
جريح
هموم بتطيح ..
بلا مرسى
دموع أمي اللي ربتنى
حنان أُختى اللي ضمتني
جابت لي حصان ..
وجلابية
وجزمه جديده وطاقيه
ولعبتني
أنا و اختى وفاء ويّا
ولاد وبنات من الحاره
تشوف ف عنيها..
كام بسمه
واشوف الدمعه تتدارى
وكانت كل يوم بالليل..
تغنى لي..
وتحكى لي..
حكايه ستنا مريم ..
لحد ما نام
حنان كانت كما البستان
بيطرح كل يوم ورده
ف بسمتها
فتحت بإيدى أنا دولابها
لقيت فستان..
فوقيه طرحه
وف أيديها اليمن ..
دبله.
حكت لي حنان..
سبع ورقات..
في كراسه
في يوم زفتها لحبيبها
نادى له القبر برصاصه
و دمع حنان على الطرحه
و ليله صحيت على صرخه
طلعت أجرى.
لقيت باب بتنا متكسر
لقيت الدم متبعتر
على الجدران
لقتها حنان
وضمه عروسه..
ف ايدها
فضمتها ..
ونادتها ..
مردتشي
لقيت الدنيا بتمطر
دموع ع الأرض
شهيد حنان .
سنين وأيام..
وبتعدي
ونفسي ف يوم..
أشوف فرحه
بلاقى حنان..
ف ميت صرخه
وكام مليون من الجرحى
بيوت تنهد..
ايدين تتمد ..
و بنت جرنا زفوها..
في يوم للقبر
كتبت جواب لأمتنا
حلمت نعود للمتنا
محدش رد
ف حلمي انهد
زمان كًنا
عشان كنا
نخاف على بعض
زمان كنا
عشان كنا
نخاف ع الأرض .

المرة الجاية مش عارف هيكو ن فى ايه؟!!!