قررت أروح للجيم

[]امبارح اتفرجت علي مطش مصارعة جامد قوي ومن حلاوتة نمت وانا بتفرج عليه وللاسف ماعرفتش سينا ضرب تربل اتش ولا البوكرتي اخد الحزام من الحانوتي ولا ادفن هو كمان ..

المهم صحيت يومها وقررت اني اروح للجيم علشان ابقي زي الناس الجامدة دي وامشي في الشارع وحتتنا تقول عليا جمعاوي الجتة راح، جمعاوي الجتة جة، فعلي طول شربت كباية نعناع علشان تديني طاقة للمجود اللي هايتبذل وبعدها قمت منادي عالواد حودة جلدة علشان يجي معايا

وبعدها رحنا اقرب جيم عندنا من أبو التمرينة بخمسة وسبعين قرش.. واول ما دخلنا صعقنا من المنظر، طبعا لقينا مدرعات بشرية موجودة في الجيم .. اللي بيشيل باي واللي بيشيل تراي واشي بنش واشي رجل .. قلت للواد حودة : امال مين اللي عالجبهة؟ وف لحظة واحدة لقينا كل العضلات بتاعة البشر دي بتبص علينا وليقت زراع ملفوف حوالين رقبة الواد حودة اتضح لي بعدها انه صوبع الكوتش صاحب الجيم وهو بيقوله: جبت الترنك؟! طبعا انا كنت مستعد للجيم ولا بس البنطلون البرمودا الرهيب بتاعي ،غير الواد حودة اللي اتمرن بالبيجامة اللي جه معايا بيها

وبعدها قلنا نلعب شوية بقي .. وانا ببص في المراية اول مرة الاحظ إن رجلي تقريا ارفع من زراعي .. حاجة غريبة .. لكن طبعا كل العقبات التافهة دي مش ممكن تقف في طريق المصارع العالمي المستقبلي جمعاوي برج .. خليفة الجولد برج ف الملاعب

طبعا سبت الواد حودة للاعيبة يتمرنوا بيه تسخين ورحت انا علشان اشيل حديد .. طبعا طبعا واحد قوي زيي لازم يشيل بار الحديد وهو فاضي وطبعا طبعا برضة واحد واثق في نفسة قوي زيي فماقدرتش اشيل البار من الأرض الا لغاية نص ركبي بالعافية .. وف ساعتها اخدت القرار الخطير جدا .. انا لية العب مصارعة اصلا .. ما اسيب المصارعة لأهلها .. وفيها اية لما افضل حافظ مكاني كبطل المنطقة للبلي المسافات الطويلة .. أو بطل الجامعة في الاسكوتر .. مانا كدة تمام قوي .. وبكل شمشونية ناديت عالواد حودة وقلتلة يالا بينا من هنا .. وحاسب وانت طالع .. فبص لي بصه عرفت معناها انه هو كمان نسي فلوس التمرينة دي.

كان معكم من الشارع وبيجري ورايا خمسين مدرعة بشرية من العضلات : جمعاوي وحودة

سلالالالالالالالالالالالالالالالالالالالالالالالالالالالالالالالالالالالالالالام

[ندعوك للتسجيل في المنتدى أو التعريف بنفسك لمعاينة هذا الرابط]

لا حول ولا قوة الا بالله العلى العظيم

انا لله وانا اليه راجعون