بلغني أيها الملك السعيد ذو الرأي الرشيد..إنه كان فيه ملك شديد قاعد في بلد بعيد..جلس ذات يوم أمام مرآته وحيد..وسألها السؤال الجديد... -قوليلي يا مرايتي..مين أحسن ملك في الدنيا؟؟ -أنت طبعاً يا مولاي.. -طيب ومين أغنى ملك في الدنيا؟؟ -أسأل بنوك سويسرا..حتقولك أنه أنت برضه يا مولاي -طيب مين بقى أقوى ملك في الدنيا؟؟ -وبعدين معاك..أنت شكلك فاضي يا مولاي..برضه أنت يا مولاي أمال العيال بتوع المظاهرات متنفخوش ولا اتعذبوا إلا في عهدك -طيب قوليلي يا مرايتي أجيب مين بعدي؟؟ -يا مولاي هو الشعب ده ورث من أمك..ما تسيبه هو ونصيبه..اللي يحكمه يحكمه..إن شالله يقعد كده عانس من غير حاكم..وأنت مالك يا مولاي -لا يا مرايتي..دي أمانة حمّلها لي التاريخ..وأنا لا يمكن أتخلى عن الأمانة دي..لا حي ولا ميت..أنا مقاتل..والمقاتل ما يهربش من المعركة أبداً.. -خلاص يا مولاي هات "ابن الوز" وصاحبه "عز" يحكموها.. -برافو عليك يا مرايتي.. -قوليلي يا مرايتي..هو أنا ليه وداني طويلة؟؟ -عشان طول النهار بتسمع لشكاوي الناس يا مولانا.. -طب ليه كرشي واسع كده؟؟..أصلي الناس بيقولوا ده من كتر مالهم اللي كالته -قطع لسانهم يا فندم..ده شوية انتفاخ..خدلك أنت بس حبتين ديسفلاتيل وأنت هتبقى زى الفل.. -طب ساعات بحس بحرقان في البول -يا مولانا أنا مراية مش دكتور مسالك..ده إيه النفخ ده يا ربي.. -طب خلاص..بس قوليلي كل يوم بتحصل في المملكة مصيبة..ناس بتغرق وناس بتنحرق في حوادث قطارات..هو أنا صحيح نحس يا مرايتي؟؟ -فشر يا فندم..ده هو اللي شعب فقري ابن(....) مش عارف يموت -طب سؤال أخير يا مرايتي..أنا أمرت إنهم يحطوا صورتي في كل حتة..بس ماقلتلهمش يحطوها على الجبنة المثلثات بتاعة العيال... -لأ يا فندم هما حطوها عشان العيال ماكنوش يرضوا يا كلوا الجبنة..فحطوها عشان يقوللهم اللي مش حياكل حيبقى زي عمو..،بس أنا كان لي طلب عند سيادتك.. -قولي يا مرايتي -الهانم حرمك..كانت مانعة جيمي ابن سيادتك يلعب بالكورة قدامي عشان خايفة أتكسر..قولها خصيمك النبي يا شيخة..خليه يلعب عشان اتكسر ولا أروح في داهية..أحسن من ما أشوف كل يوم النحس أبو كرش ده -إيه ده..هو في حد بيقف قدامك غيري -يا لهوي يا مولاي
المهاجرة الى الله مراقب عام المنتديات الأسلامية
عدد الرسائل : 1599 رقم العضوية : 44 : تاريخ التسجيل : 10/04/2008
موضوع: رد: مرايا من ألف ليلة وليلة الثلاثاء أكتوبر 07, 2008 9:49 pm
حقيقى الله يكون فى عون المراية فعلا
استشهاديه عضو جديد
عدد الرسائل : 17 تاريخ الميلاد : 28/02/1989 العمر : 35 رقم العضوية : 238 : تاريخ التسجيل : 26/09/2008
موضوع: رد: مرايا من ألف ليلة وليلة الأربعاء أكتوبر 08, 2008 8:40 pm
لا استطيع ان اقول اى شئ بعد مقولة المراه
فقد تحدثت بلسان حالنا جميعا
ولكنى اتسائل عن الذين لا يرون ما رائته المراه
او بشكل اخر لا يرون شئ
ولا يسعنى الا ان اقول لهم
حتى الجماد شعر بالظلم فمتى سوف تفيقون وترون ما يجرى من حولكم
ليتنى عمر من جديد عضو نشيط
عدد الرسائل : 37 تاريخ الميلاد : 20/01/1991 العمر : 33 رقم العضوية : 202 : تاريخ التسجيل : 01/08/2008
موضوع: رد: مرايا من ألف ليلة وليلة الأربعاء أكتوبر 08, 2008 10:47 pm
اللة يكون فى عونك يا مرايا . فضفضى وقولى كل اللى عندك قبل مالاخ جيمى يلعب كورة قدامك .
وتنكسرى وتخدى معاك الذكريات المؤلمة اللى انتى مستحملاها . بس لازم تفضفضى علشان تقولى احسن فى ناس ربنا يهديهم ويكرمهم لسة ميعرفوش اللى انت فية وان انت متبهدلة .. قد اية. اللة يكون فى عونك (ان اللة مع الصابرين).
موضوع: مرايا من ألف ليلة وليلة 
الثلاثاء أكتوبر 07, 2008 2:55 pm
