دعوة للانتحار الجماعى .. ( ادخل وانتحر ) ...

تيجو ننتحر سوا .. انتحار جماعي يعني

!!!!!!!!!!
مين فينا مش متضايق من بعض حاجات موجوده فى حياته ومخنوق وزهقان ونفسه يموت ويولع فى نفسه وفى اللى حواليه ؟!!!!!!

كلنا عالاقل فينا حاجه مالحاجات دي

طب ما تيجو ننتحر سوا بقى ونخلص من الهم ده
ولا اقولكم
استنو استنو........
انا مش قصدي انتحار يعني نموت نفسنا
انا اقصد انتحار من نوع تاني

فكرو معايا كده
مين اللى لو اتكلمنا معاه هنخرج من خنقتنا دى وهنحس براحه

مين اللى لو قربنا منه هتمشي حياتنا فى طريق سليم من غير مطبات

ايوه تمام اكيد كلكو فهمتو انا اقصد ايه

انا اقصد ننتحر فى علاقتنا مع ربنا نقربله اكتر
طب ماتيجو نقرب من ربنا

مثلا اللى بيصلي مش بانتطام يحاول يصلي كل الصلوات

اللى بيصلي يحاول يخشع اكتر فى الصلاه
يحس بعظمه الكلمات اللى بيقولها وهوا واقف قدام ربنا من اول الله اكبر لغاية السلام عليكم ورحمه الله وبركاته

ممكن مثلا قبل ما ننام كل يوم نصلي ركعتين لربنا بنية التوبة والتخلص من أى ذنب سواء عارفينه او لا مش لازم علي ذنب معين بس ممكن نقوله يارب انا بتوب ليك علي ذنوب انا فاكرها وذنوب تانيه انا مش فاكرها بس انا محتاجلك يارب قويني اني اقرب منك

حاجه تانيه ممكن انا واحده بسمع اناشيد كتير مش هقول اغانى فبدل مانسمع 100 نشيد فى اليوم مثلا نخليهم 99 (( أنا بقول مثلا ))ولما تيجي تنسمع النشيد رقم 100 نقول لا انا مش هسمع دي عشان ربنا
هتقولو ياسلام وجات علي دي

اه لما تبتدي بس تحط فكره "عشان ربنا" فى دماغك مره ورا التانيه يوم ورا التاني هتكبر الفكره فى دماغك

بس ماتيجو نقرب كلنا سوا

نشجع بعض

مثلا تعالو نبدأ سوا من يوم الاثنين الجاي هيكون 18 _8
تعالو نختار اسم لليوم دا سوا
مثلا" يوم القرب من ربنا" او اي اسم تاني تختاروه معايا
ونبدأ فيه نقرب من ربنا ولو حاجه بسيطه
وكلنا هنلاحظ الفرق سوا فى حياتنا كلها
واللى عنده اى اقتراح لإستكمال المشروع ده وإنجاحه يتفضل وممكن نسمى المشروع مثلا (( عشان ربنا )) أو أى إسم تانى انتوا تختاروه انا مجرد انى عرضت الفكرة لو فيه قبول نستكمله ان شاء الله ..
م
ن
ق
و
ل

كنت عايزة برده لو تسمحولى انقلكوا حاجه بسيطة خالص كنت سمعتها من أخت أثناء إلقائها لمحاضرة بمسجد .. كان موضوع المحاضرة عن الصلاة وكيف نكون من الرابحين لهذه الصفقة حكتلنا حكاية عمرى ما هنساها ابدا لا انا ولا كل اللى سمعها ان شاء الله عن السيدة ( رابعة العدية ) عندما كانت تتوجه الى الله بالابتهال والمناجاة فكانت بتحكى وتقول ان هذه السيدة رضى الله عنها عندما كانت تناجى الله جل وعلا فتقول فيما معناها إن (( يارب انا مش بصلى خوفا من نارك ولا طمعا فى جنتك ولكنى اصلى حبا ً لك فقط ))
يالله شوفتوا درجة الحب والاخلاص وصلت لإيه ؟!!!!!!
أدعوا الله عز وجل أن يقذف حبه فى قلوبنا كى نصل الى هذه الدرجة من الايمان والاخلاص .. ان شاء الله ربنا يعيننا كلنا وجات خلاص الفرصة العظيمة اللى بتمنى ليا وللمسلمين كلهم انهم مش يفوتوها الا لما يستفيدوا منها والفرصة دى هى شهر رمضان .. شهر الروحانيات .. شهر الخير ..
اللهم باركلنا فى شعبان وبلغنا رمضان يارب العالمين ..
معذرة لو كنت طولت عليكم .. بس انا حسيت اننا فعلا عايزين ننقى اروحنا شوية
و جزيتم خيرا كثيرا ..

الله عليكى يااخت حفيده

اولا والله بجد لمساتك منوره المنتدى

والموضوع أكثر من رائع

عندى اقتراح
ايه رآيكم ننتظم فى مناجاه الله

يعنى قبل الفجر نقعد ونتكلم مع ربنا ونحكيلوه على كل حاجه مضايقنا

والله انا جربت الحكايه ديه ونفسى انتظم فيه وجزى الله خيرا من علمونى تلك المناجاه

نتكلم مع ربنا كده نفضفض مع ربنا

بنقعد ندور على حد نحكيلوه ونفضفض معاه وعندنا ربنا

ايه رآيكم الاسبوع ده بجد زى ما الاخت قالت ننتحر فى القرب من الله

احساس جميل اوى انك تحس انك ملك لله قلبك ملك له

مهما كانت الهموم كفايه الأحساس ده

احيانا بتمر بالآنسان لحظات بيبقى حاسس فيها ان كل حاجه جميله بتتأخد منه

لكن اكتر حاجه بتصبره ان ربنا هو ربنا

ان حجب عننا شيئا لانحزن

فان عطاءه رحمه ومنعه حكمه

جاتلى الرساله ديه فى يوم كنت محتاجه اوى

وكفايه لانى طولت

جزاك الله خيرا يا اخت حفيده المجدد

الله ينور
ويزيد
ويبارك
ناس تغيب تغيب
ولما تهل
الخير معاها يهل
جزاكم الله خيرا
حفيدة البنا
وعودة انتحارية
قصدة جديدة

جزاكم الله خيرا أخيتى الحبيبة ( عاشقة الاقصى ) , وأخونا الفاضل ( حفيد البنا ) . على المشاركة وهذه التعليقات الطيبه جعلها الله لكم ذخرا يوم القيامة ..

أين الباقى ياشباب الامة ؟؟؟؟
ايه احنا الثلاثة اللى هينتحروا فى المنتدى الطويل العريض ده بس ولا ايه
...... منتظرين الزيد من المتبرعين لان يوجد المزيد ايضا من العمليات الانتحارية