عفوا ...هل أنت مصاب بالأنيميا؟؟؟؟

]عفوا ....هل أنت مصاب بالأنيميا؟؟؟؟؟؟؟؟؟؟

الأنيميا : عندما يسمع الكثيرون أن شخصا مصاب بالأنيميا غالبا يتبادر إلى الأذهان أنه نحيف والمفهوم السائد وهو خاطىء أن حل هذه المشكلة يكون بملىء البطن بالطعام ...فتعالو نعرف رأى الطب فى هذه المسألة
الأنيميا لهل أنواع عديدة ولكن تعالو نناقش الأكثر شيوعا وهى اللتى تكون ناجمة عن نقص الحديد بالجسم والحديد عنصر هام يدخل فى تركيب هيموجلوبين الدم ويكسبه القدرة على نقل الأكسجين من الرئتين إلى أنسجة المختلفة حيث يؤكسد مابها من طعامفينتج طاقة حرارية ضرورية لوظائف الجسم ...إذن عندما ينقص الحديد يصاب الشخص بالأنيميا
وتشخص طبيا بأكثر من شىء أولها شعور الشخص بالإجهاد والتعب من أقل مجهود ,تظهر على الوجه فالشخص الأشقر يكون شاحب الوجهأما الشخص الأسمرفيمكن تحديد ذلك بالنظر فى زاوية العين حيث يتغير لون بطانة العين إلى لون باهت , وأهم شىء بالطبع هو إجراء تحليل للدم لإثبات إصابة الشخص بها
ويجب أن نعرف أن الحديد الكلى الموجود بالجسم هناك 80%منه موجود فى الدم فقط ولذلك فإن فقدان الدم يؤدى إلى نقص الحديد ولهذا السبب نجد ان المرأة أكثر إصابة بالانيميا من الرجل نظرا لما تفقده من دم فى أثناء فترة الطمث(14_28ملجم)وأيضا طوال فترة الحمل(200_500ملجم)وذلك لتكوين دم الجنين.
والمستوى الطبيعى للهيموجلوبين فى الرجال(14_15جرام|ملليليتر)أما للمرأة (13_14جرام|ملليلتر)وطبعا انخفاض النسبة عن ذلك فى أى منهما معناه وجود أنيميا ويحدد ذلك الطبيب وحده.
إذن كيف نحمى أنفسنا من الانيميا؟؟؟؟؟
*الحرص على وجود عنصر الحديد بكميات متوازنة فى طعامنا وهو موجود بكثرة فى الأطعمة الآتية(صفار البيض,الكبد,الفول,العدس,اللوبيا,الفاصوليا,التفاح,السبانخ,العسل الأسود,الخوخ,السمك ,البسلة,الكاكاو)
*نصيحة للنساء خاصة وهى الإهتمام جيدا بنوعية الأكل واحتواؤه على الحديد وإذا لم يحدث ذلك فيجب الإهتمام بأخذه على هيئة كبسولات وخاصة فى فترة الطمث وفى أول 3شهور من الحمل وهذا بالطبع يكون تحت الإشراف الطبى
*محاولة تجنب بعض العادات الخاطئة مثل الحرص على شرب الشاى مباشرة بعد الأكل لما له من آثار سيئة تعجل الإصابة بالأنيميا(على الأقل نشربه بعد الأكل بساعتين)
*حماية أطفالنا بتعويدهم على الاكل الصحى والإبتكار حتى لايمل الطفل وإعطائهم الحديد بكميات متوازنة فى أكلهم
*العبرة ليست أبدا بكمية الطعام اللتى نأكلها أو استهلاك كميات كبيرة ولكن العبرة ما اللذى نأكله وهل يفيد أم لا؟
هذا
وجزاكم الله خيرا
فى انتظار تعليقاتكم وآرائكم

[/center][/size][/center]

ليه بس كده ا أخت زهراء

فكرتينا بالأنيميا وانواعها
واساميها اللى تلخبط الجن
الفسيولوجى

قددس الله مكانه فى قلوب الطلبه والطالبات

بس موضوع متميز بجد

لأن فكره

ان اللى عنده انيميا لازم يكون نحيف سائده جدا

ربنا بس يكرم الشعب المصرى ويتعالج من الأنيميا

الحمدلله مش عندى

منتظرين مزيد من المواضيع الجامده كده

بقولك آيه جيبلنا موضوع عن فايده الموز والعنب

لو سمحتوا عايزين نفصل فى انواع الاكلات
اللى بتساعد فى علاج الانيميا
لان معظم الاطفال والكبار مصابين بيها

جزاكى الله خيرا يا زهراء على هذا الموضوع المميز

[ندعوك للتسجيل في المنتدى أو التعريف بنفسك لمعاينة هذه الصورة]

جزاكم الله خيرا جميعا على اهتمامكم وتعليقاتكم وبالنسبة للأخت عاشقة فأنا ماقصدتش والله أفكرك بالفسيولوجى أكرمه الله وأنا على كامل الاستعداد للدروس الخصوصية بس مفيش حاجة ببلاش اليومين دول انتى عارفة ,وبلاش فايدة العنب والموز أنا بقول اليوسفى أحسن ولا ايييييه.....

أما أخونا ابن مصر فأنا عذرا مش فاهمة حضرتك تقصد ايه ؟هل تطلب معلومات إضافية يعنى ولاإيه؟؟؟؟؟؟؟؟؟؟؟؟

هو فعلا يابنتى كل حاجه فى حياتى بتفكرنيى بالفسيولوجى

ادخل هنا فسيولوجى

اروح قسم التاريخ

الاقى مخطوطات ابن النفيس بتفكرينى بيه

اروح فين
طيب

على فكره فسيولوجى السنه دى يازهراء محتاجك فعلا

الله المستعان

وفعلا لازم نقول الحاج فسيولوجى قدس الله قدره واكرمه

بس نخلى العنب والموز واليوسفى

انتى شكلك عارفه العلاقه الوطيده بين وبينه

دا يابنتى انا واليوسفى روح واحده

المهم منتظرين مواضيع جامده منك

ايوا كدا مش عايزين نزعل البغل مننا Razz

( طبعا فاكرين موضوع النقرس ) , بس حاجة غريبة affraid

إن الواحد يلاقي مصريين مصابين بالإنيميا بالرغم من إن الأكل الرسمي للمصريين هو الفووووووووووووووول scratch

- ربنا يديمها نعمة - .

معلومة كنت قرأتها study

:
شرب الشاي بعد الأكل مباشرة يقلل من إمتصاص الحديد

و عصير البرتقااااااااااااااال يزيد من إمتصاص الحديد

جزاكم الله علي المواضيع الجميلة بتاع حضرتك Basketball

.

شكرا د.عمرو على تعليقك وأيضا على المعلومات الجميلة
بس معلش بأة أنا كاتبة فى الموضوع بتاعى حكاية الشاى دى لكن عصير البرتقال ماشى جديدة (ودة طبعا لأنه فيتامين ج وهذا الفيتامين يزوذ امتصاص الحديد)
وجزاكم الله خيرا على المتابعة

جزاكم الله خيرا يازهراء

ولكنى سمعت عند اكل الفول يجب ان نضع ليمون عليه ليساعد على امتصاص الحديد

انا بقى مش هقول حاجة جديدة
جزاكم الله خيرا

جزاكم الله خيرا

فعلا ياشهيدة دى من الحاجات القليلة الصح اللى بنعملها كمصريين وهى عصر الليمون على الفول
احنا بنعمله عشان النكهة لكن فعلا (فيتامينc)الموجود فى الليمون بيزود امتصاص الحديد الموجود بالفول لكن هو احنا نعديها كدة ونستفيد عيب مانبقاش مصريين لازم بعد الفول مباشرة نحبس بكباية الشاى فيضيع الحديد والحمدلله عرفت ليه ياد.عمرو مع اننا أكتر ناس بناكل فول بس عندنا أنيميا برضه
ومليون مرحب بالفارس الصغير وشكرا على تعليقك
وجزاك الله خيرا حفيد البنا على اهتمامك

موضوع: إبداع وأصالة الخميس أغسطس 14, 2008 8:35 am

أحسن حاجة بتعجبنى فى مواضيع الزهراء إنها بتلعب ع الوتر الحساس
وبتكتب مواضيع تمس قلب كل مصرى
فعلا مين فى مصر ميعرفش الأخت العزيزة أنيميا
دى عشرة سنين بل قرون
وحاجة تانية بتعجبنى وهى طريقة العرض
وهى إنها بتركز على لب الموضوع حلوة لب دى
يعنى بالبلدى كدا
بتقصر وتلم المتكسر وتسيب السليم على جنب

ومين يشهد لل ...............

عازين تفصيل عن الاطعمة الغنية بالحديد لو فيه زيادة يعنى

والله مش عارفة أقوللك ايه يافارس الحرف بجد أخجلتم تواضعنا وبعدين مهما كتبت ولا قلت آجى ايه أنا فى معلوماتك ياحاج فارس ربنا مايحرمنا منك

أما أخونا ابن مصر فأنا كتبت بالموضوع تقريبا كل ماأعرف من أطعمة تحتوى على الحديد ولكن ممكن نضيف اليها الباذنجان الأسود والموز والكمثرى فبالنسبة لنا وللأطفال حضرتك يجب أن نوازن فى الأكل بحيث يتضمن الأكل بروتينات +حديد+كالسيوم ولانركز على شىء واحد لأن أجسامهم تحتاج إلى كل هذه العناصر فى النمو
وشكرا على اهتمام حضرتك ومتابعتك للموضوعات