مش عارفه ابدأ الموضوع ازاي
ولكن بجد أنا محتارة ومش عارفه اتصرف ازاي
حبيت اخد رايكم وياريت الاخوات الفضليات يفيدوني في حيرتي
حيرتي بدأت من أول ما تقدملي شاب لخطبتي ظروفه بسيطه بيشتغل في قطاع خاص براتب متوسط لكنها مهنة ليها مستقبل كويس , ملتزم , أهله كويسين ,
بس انا مش عارفه هل كده كفايه علشان نرتبط ,
والدي اتفق معاه على الشبكة وهي بسيطة وده شيء مش هاممني أوي
لكن أنا من ساعة ما اتخطبنا وأنا مش عارفه أتكلم معاه لوحدنا لما بييجي يزورنا والدي بيفضل قاعد معانا والكلام بيدور ما بينا في العموم ومش قادرة احكم على تفكيره أو أحس تجاهه بأي عاطفة يمكن هو مظلوم لأنه مش واخد راحته في الكلام معايا
الموضوع ده قالقني أوي ومش عارفه أتصرف إزاي
يا ريت تفيدونني
وأسألكم الدعاء
على فكرة أنا كنت ناوية أعزمكم على الخطوبة لكن للاسف كانت عائلية جدا وماداعيناش حد خالص
لكن أوعدكم إن ربنا قدر وتم الموضوع على خير إنتوا كلكم معزومين وأولكم الاخت شهيده علشان تساهم معانا في افكار العزومة .