حفيد البنا عضو ذهبى
عدد الرسائل : 558 تاريخ الميلاد : 24/01/1988 العمر : 36 العمل : منشد الصفا المزاج : مشعلل رقم العضوية : 128 : تاريخ التسجيل : 12/05/2008
| موضوع: عطشان ياناس الإثنين أغسطس 04, 2008 4:21 pm | |
| عطشان يا صبايا____عطشان يا مصريين
عطشان والنيل فى بلادكم___متعكر مليان طين
ولا نهر الرون يروينى___ولا مية نهر السين
شده وتزول يا معوض___سبحانه رب معين
دى تلات حكومات يا خوانا___ظلمونى واشكى لمين
زغروته يام سدحمد____زغروته يام ياسين
راجع اتوضى واصلى__وازور سيدنا الحسين
وابوس ايد الشيخ بلبع__وايد الباشا التخين
واقول سلامات يا خليفة___ولشعبان طيبين
واتوب على سيدى لاظوغلى__عن كار الجرانين
واتجوز بنت الماشطه___والكوديه ام اسماعين
اياك يتعدل بختى___واخدم فى الدواوين
والبس لى سموكن مقصب___وابقى البيه التخين
غيرشى جعلوا التخشيبه___للغلبان الفطين
يخرج منها ويتسوح___من مرسيليا للصين
دا جازاة الخايب اللى___يعشق بنت التسعين
شايف من تحت البرقع___أهدابها مرعرعين
ماحسبش حنكها مطبق___وسنانها مهرتمين
والفم المحمودية____والراس دى راس التين
وتحب كمان وترافق___اهل الدنيا والدين
ولا تطرد بياع رنجه___ولا بياع الفلين
وولادها اسم الله عليهم___يتعدوا بالملايين
رجاله صنايعية___بايعين وشاريين
واحد تاجر طعميه ___والتانى بتاع مصارين
واللى يبيع جوافه___واللى يبيع سردين
وواحد كمسارى افرنجى___قاعد فى وابور طحين
واتنين سارحين بكلونيا___وفانلات معتبرين
والحاج محمد برعى___له فابريكة كوانين
وأخوه له معمل طرشى__مشهور فى الكعكيين
والكل يزيد ويبارك____قاعدين متصنعين
ما ينوب الواحد منهم ___غير قفل الدكاكين
يا رازق جيش الازهر___اياك نستعين
يا برايز يام بلاد بره__يا مربيه لامرتين
بعتت لك ام الدنيا___شاعر فى الشعر متين
يعمل اشعار لبرابره___وصعايده وفلاحين
وتلامذة وأزهرية____وخوجات ومفتشين
اياك ما يموتش عندك___فى أزيل المساكين | |
|
المهاجرة الى الله مراقب عام المنتديات الأسلامية
عدد الرسائل : 1599 رقم العضوية : 44 : تاريخ التسجيل : 10/04/2008
| موضوع: رد: عطشان ياناس الإثنين أغسطس 04, 2008 5:56 pm | |
| كل ده علشان عطشان؟
ان كان على الميه سهلة | |
|
د.عمرو عضو متألق
عدد الرسائل : 149 تاريخ الميلاد : 18/04/1990 العمر : 34 العمل : طالب بكلية الصيدلة المزاج : مش مهم تعرفوا رقم العضوية : 185 : تاريخ التسجيل : 05/07/2008
| موضوع: رد: عطشان ياناس الإثنين أغسطس 04, 2008 6:16 pm | |
| | |
|
ابن مصر مراقب عام المنتديات العامة
عدد الرسائل : 1046 تاريخ الميلاد : 01/09/1971 العمر : 52 العمل : محب للكمبيوتر المزاج : ---------- رقم العضوية : 6 : تاريخ التسجيل : 08/02/2008
| موضوع: رد: عطشان ياناس الإثنين أغسطس 04, 2008 9:20 pm | |
| فعلا ما احوجنا لمن يروى عطشنا للحرية
| |
|
شهيدة مراقب عام منتديات الأسرة والمجتمع
عدد الرسائل : 1397 رقم العضوية : 59 : تاريخ التسجيل : 27/04/2008
| موضوع: رد: عطشان ياناس الثلاثاء أغسطس 05, 2008 7:31 am | |
| | |
|
حفيد البنا عضو ذهبى
عدد الرسائل : 558 تاريخ الميلاد : 24/01/1988 العمر : 36 العمل : منشد الصفا المزاج : مشعلل رقم العضوية : 128 : تاريخ التسجيل : 12/05/2008
| موضوع: رد: عطشان ياناس الأربعاء أغسطس 06, 2008 12:08 pm | |
| جزانا واياكم كل الخير بس ايه رايك يادكتور عمرو فاكر الطعمية ورحيه التقلية ههههههههههههههههه
| |
|