النقرس (Gout)

موضوع: النقرس (Gout) الجمعة أغسطس 01, 2008 4:08 pm

النقرس (داء الملوك)
[size=24]النقرس أو كما يطلق عليه داء الملوك (Gout) هو من الأمراض الشائعة جدا فى مجتمعنا وذلك نتيجة العادات الغذائية الخاطئة
فمعا نتعرف عليه بطريقة مبسطة
فأولا ماهو النقرس ؟ولماذا يقترن بألم فى المفاصل؟أ
قول لكم:يحدث هذا المرض نتيجة عدم تخلص الجسم جيدا من أحد الأحماض وهو(Uric acid) فتكون النتيجة أن يترسب هذا الحمض داخل الجسم وخاصة فى الأماكن الآتية:
أولا :اصبع القدم الكبير بنسبة 75% هذا هو المكان الأول
ثانيا :يبدأ التأثير على الركبة,كعب القدم,مشط القدم,رسغ اليد,الكوع,الأصابع,العمود الفقرى
إذن فهذه هى أماكن ترسب هذا الحمض فلماذا الألم؟ذلك لأنه يترسب فى هذه الأماكن على هيئة كريستالات تؤدى إلى حدوث تفاعلات التهابية فى هذه المناطق فيحدث الألم
نأتى إلى النقطة اللتى تهمنا جميعا وهى بماذا يشعر المريض؟يشعر بألم يعقبه تورم واحمرار فى اصبع القدم أوألم فى المفصل يصاحبه تيبس فى هذا المكان وعادة معظم الحالات اللتى رأيناها على أرض الواقع يأتى المريض ويشتكى من ألم فى اصبع قدمه الكبير (بمعنى أوضع يقول حاسس انه فى دبابيس بتشكنى فى هذا المكان)
التشخيص:
تكون الأعراض فى معظم الحالات كافية للتشخيص ولكن لا بد من اجراء تحليل دم يظهر نسبة (Uric acid) ويكون الشخص عنده نقرس إذا ارتفعت النسبة عن 420ميكرو مول فى الرجال و380ميكرومول فى النساء.
وللعلم اهمال العلاج يؤدى إلى إمكانية ذهاب هذه الكريستالات إلى أماكن أخرى مثل الكلى وتؤدى إلى حدوث حصوات
العلاج:
ينقسم إلى جزئين :فالمريض عليه دور كبير مثل الإبتعاد عن بعض الأكلات مثل اللحوم,الكبد,الكلى,الخميرة,البقوليات(الفول والعدس واللوبيا الجافة .....)الكرنب,عيش الغراب,المشروبات الكحولية،الشاى ,القهوة,البازلاء,الجمبرى ,القرنبيط
وعليه على الجانب اللآخر بالإكثار منالخضروات والفواكه الطازجة مثل الفراولة والإكثار خاصة من فيتامين ج,ب وعليه ببعض العصائر اللتى تقلل من ترسب الحمض مثل شراب العناب ,التوت،الكريز وشرب الماء بكثرة جدا.
أما الجزء الآخر من العلاج فهو من اختصاص الطبيب المعالج ويكون بإعطاءأحد أنواع الفوارات المذيبة لأملاح اليوريك+كبسولات بها مادة ال‘ندوميثاسين أساسا لتقليل الإلتهاب وتقليل الألم مع كبسولات أخرى لتقليل أملاح اليوريك وعلى فكرة عمل كمادات الثلج على مكان الألم لمدة (20أو 30 دقيقة)لعدة مرات فى اليوم يساعد على تقليل الألم والتورم إن شاء الله[/size]

موضوع: رد: النقرس (Gout) الجمعة أغسطس 01, 2008 9:40 pm

ايوه قولى بقى الفورات والعلاج الى مايعلم بيه الا ربنا بقى

عايزين تعمل بيزنس ماشى يادكتوره

بجد جزاك الله خيرا

داء الملوك

يابنتى الناس أصلا عنده نقرس مش عندها نوت تأكل ورق الأشجار

انا قولت بس اكون اول تعليق

عشان مصر واحشاكى واولهم انا طبعا

موضوع: رد: النقرس (Gout) السبت أغسطس 02, 2008 12:53 am

طبعا وحشتونى كلكم جدا وصدقونى مفيش أجمل من بلدنا مهما كان ربنا يهون احساس الغربة علينا ويصبرنا

موضوع: رد: النقرس (Gout) السبت أغسطس 02, 2008 11:59 am

موضوع جميل

وكنت قريت مرة ان ممكن الكترة فى اكل الفول والطعمية برده بتجيب نقرس

ربنا يحفظ المسلمين جميعاً

موضوع: رد: النقرس (Gout) السبت أغسطس 02, 2008 12:44 pm

طبعا الفول والطعمية من البقوليات وكثرة أكلها يزود الألم ويفضل أن يبتعد المريض تماما عن البقوليات واللحوم الحمراء ويتجه الى الفراخ والأرانب والخضروات والفواكه الطازجة

موضوع: رد: النقرس (Gout) السبت أغسطس 02, 2008 4:01 pm

معلش دكتورة ممكن توضحي هو ليه اتسمي داء الملوك ؟

و حضرتك عارفة إننا كل يوم يا اما فول يا اما طعمية , و مهما حضرتك قولتي محدش

هيسمع الكلام ههههههههه ممكن تكتبي الكلام دا لشعب تاني غير الشعب المصري

و بعدين كدا هنزعل البغل مننا , أنا كدا هبلغه لحسن المبيعات بتعتة تقل هههههههههههه

موضوع: رد: النقرس (Gout) السبت أغسطس 02, 2008 4:08 pm

جزاكم الله خير

فعلا موضوع مهم ومعلومات مهمة جدا
لكنى مره قرات ان القرنبيط هواكثر الخضروات التى تساعد على الشفاء من النقرس
ولو اعتدلنا فى الاكل واتبعنا سنة رسوله لما اصابنا شئ
جزاكم الله خيرا

موضوع: رد: النقرس (Gout) السبت أغسطس 02, 2008 5:10 pm

ياد.عمرو انت مفهمتش قصدى هذه الأكلات تمنع أو يقلل منها لمن يجد عنده نقرس فقط لأنه هويشعر بالألم فعلا بعد هذه الأكلات لكن الإنسان الطبيعى اللذى لايشتكى من شىء فلا مانع ولكن الإعتدال فى كل شىء أفضل طبعا وطبعا إلا الفول والطعمية عند الشعب المصرى دة هم أساس أى مواطن كلو براحتكم بالهنا والشفا ولكن لاتزيد عن الثلث كما أمرنا (ص) ,أما الأخت شهيدة فسأبحث فى موضوع القرنبيط هذا لأن هذه هى المعلومات اللى عندى لكن لامانع من اعادة البحث وجزاكم الله خيرا على الإهتمام

موضوع: رد: النقرس (Gout) السبت أغسطس 02, 2008 5:51 pm

نرجوا عمل لنا روشتة صحيه استعداد لشهر رمضان

وبعض النصائح للشهر
وجزاكى الله خيرا

موضوع: معلومة ع الماشى السبت أغسطس 02, 2008 9:52 pm

على فكرة شرب الماء بكثرة يقى من تكون أى أملاح فى الجسم بس المشكلة فى نوعية الماء
لأن ممكن الماء يكون ملوث فيعمل مشاكل تانية ربنا يحفظنا
والله يا اخونا أنا مش عارف أقول إيه خلوها على الله وربنا يستر

موضوع: رد: النقرس (Gout) الأحد أغسطس 03, 2008 3:32 am

اولا جزاكى الله خيرا على هذا الموضوع القيم والذى يخص الكثير من شعبنا الحبيب

ثانيا احنا ما نقدرش نستغنى عن الفول والطعمية خاصة بتاعة البغل وزمانه وحشك انا عارفة
ثالثا على رأى فارس الحرف خليها على الله
رابعا اللهم اشف كل مريض بهذا المرض لان اى اكلة بيبان اثرها عليه على طول

موضوع: رد: النقرس (Gout) الأحد أغسطس 03, 2008 9:01 am

طب لماذا سمي داء الملوك ؟

و ما السبب في عدم تخلص الجسم من حمض اليوريك ؟

جزاكم الله خيرا علي المتابعة

موضوع: رد: النقرس (Gout) الأحد أغسطس 03, 2008 12:50 pm

بداية لكم جزيل الشكر على المتابعة
أولا:د.عمرو:عرف داء الن النقرس من العصور القديمة على يد طبيب يونانى اسمه هيبوكراتيز منذ2500عام وقد سمى بداء الملوك لأن الملوك فى ذلك الوقت هم اللذين كانوا يتناولون اللحوم بكميات وبصورة كبيرة على موائدهم أكثر من بقية الشعب بالطبع فكانوا أكثر الناس اصابة به.
أما سؤالك الجميل بخصوص لماذا يترسب حمض اليوريك فى الجسم ولا يتخلص منه أقول لك:يوجد إنزيم بالجسم (فى الحالات الطبيعية)يسمى إنزيم Uricaseوظيفته التخلص من Uric acid وتكسيره أما عندما ينقص هذا الإنزيم (فى حالة الإصابة بالنقرس)يؤدى ذلك إلى تراكم الحمض فى الدم والأنسجة ثم يتحول إلى بلورات مثل الإبر تسبب الألم فى مكان تراكمها وعندما تذهب إلى أماكن أخرى مثل الكلى ممكن تؤدى إلى تكون حصوات..ويارب أكون أفدتك ومرحبا دائما باستفساراتك الجيدة جدا
أما ردا على أختى شهيدة فأنا تأكدت من المعلومة والقرنبيط يضر مريض النقرس ولا يفيده
ووالله يامهاجرة مفتقدين سندوتشات البغل جدا حتى بنفكر أى حد جى لنا يجيب لنا كم سندوتش معاه

موضوع: رد: النقرس (Gout) الأحد أغسطس 03, 2008 4:10 pm

كدا نفهم إن أكل اللحووووووووووووووم بكميات كبيرة ( كدا يعني هنوفر ) بيقلل

تصنيع انزيم اليوريكيز و دا بيزود تراكم حمض اليوريك في الجسم .............. إلخ .

طب السؤال مرة تانية , أكل الفول و الطعمية مرة أو مرتين يوميا , ممكن يتسبب في هذا

المرض ؟ عموما عمليا في الشعب المصري مفيش تأثير بس ممكن حضرتك تكلمينا عن

الجانب العلمي خاصة في الشعوب الأخري غير الشعب المصري طبعا لأنه حاله خاصة

هههه

أصل كما سمعت إن الفول اللي بنكله هو غذاء الماشية في الولايات المتحدة الأمريكية

موضوع: رد: النقرس (Gout) الأحد أغسطس 03, 2008 4:24 pm

يا سيدى احنا راضيين وبعدين ما احنا سمعنا ان عصير البرسيم مفيد جدا ومهدىء للاعصاب نقوم نشربه؟

سيبكم انتم البغل ما فيش زيه واسالوا البعيد عن مصر وهو يجاوب

موضوع: رد: النقرس (Gout) الأحد أغسطس 03, 2008 4:58 pm

ماااااااااااااشى يامهاجرة بتغيظينا بسندوتشات البغل لما نيجى ان شاء الله هننتقم..أما الدكتور عمرو فصعب أوى تحديد معدل للأكل لأن كل واحد عارف الكمية اللى بتتعبه فمايوصلهاش وفعلا ياجماعة الشعب المصرى عنده مناعة جامدة بدليل المية اللى حللوها ولقوا فيها ميكروبات جامدة جدا كل دة والشعب المصرى صامد ماشاء الله ..فلا مقارنة مع الشعوب الأخرى

موضوع: رد: النقرس (Gout) الأحد أغسطس 03, 2008 5:04 pm

فعلا يا زهراء تستغربى جدا لما تشوفى شكل الميه فى كوب زجاجى ازاى احنا بنشربها

بس احنا من حوالى سنة بنشترى الميه عشان نشرب

موضوع: رد: النقرس (Gout) الأحد أغسطس 03, 2008 5:14 pm

طيب احنا وبنشترى مية ومنا اللى بيركب فلاتر ويشرب مية نضيفة أمال اللى مش قادر يعمل ايه ...حسبنا الله ونعم الوكيل

موضوع: رد: النقرس (Gout) الإثنين أغسطس 04, 2008 8:33 am

على فكرة مش كل الفلاتر صحية خاصة عندنا فى المحلة هى مصدر تجمع هذه الشوائب والميكروبات ده المفروض يتغير كل أسبوع لما تشوفى شكله تترعبى

من إمتى السكوت على الظلم كان صمود وقوة تحمل
الشعب ينقسم إلى ثلاث أقسام
80% مستسلم للأمر الواقع ووقاعد زى خيبيتها
10%بيكلم ويهبل ووقت الجد متليقيهوش
والعشرة فى المية اللى باقية يا ولداه مش ملاحقة سجن من إعتقال من تضييق عشان هى اللى بتشتغل
وبتقول لا وجايين تقولوا لى بنشرب ميه ملوثة وصامدين
سلم لى على الصمود