استعد واغتنم رمضان فلا يفوتك

طب ايه رأيكم نعمل فكرة ثنائيات

بمعني : كل عضو يختار عضو آخر ليكون ثنائي له و نكون فرق ثنائيات و كل اسبوع يختار أحد

الفرق طاعة و سيكون كل الفرق ملزمة بها و اذا وصلت نسبة الالتزام بعمل الطاعة لكل

فريق 6\7 ( يعني لو في فريق عمل نسبة 5\7 ,مش هننتقل لطاعة أخري الا ما كل الفرق

توصل بحد أدني 6\7 ) ننتقل لفرقة أخري لتحدد طاعة أخري ( و الترتيب

حسب الأسبقية ) , و اذا لم يعمل أحد الاعضاء الطاعة في يوم من الاسبوع , يكون الثنائي بتاعة

في نظرنا و كإنة لم يعمل شيء لانه لم يتابعة و لم يعينة علي فعلها لإن هي دي فكرة عمل الفرق
الثنائية .

و في نهاية كل أسبوع يقول كل فريق نسبتة في الالتزام باداء الطاعة و يكون الفريق اللي بعدة اللي

علية الدور جاهز بالطاعة بتاعة .

أمثة للطاعات : الصلوات الخمس , ركعتي الضحي , قراءة فرآن , ذكر معين , صدقة , قراءة

كتاب معين , عمل أحد السنن ............. و هكذا .

انتظر مشاركتكم و انا بالنسبة ليا أخترت الأخ السيف الإسلامي ليكون الثنائي بتاعي و احنا كدا

فرقة رقم 1 و إن شاء الله نختار إسم لينا . و اللي مش لاقي حد يكتب مشاركة يطلب فيها ثنائي لحد

ما حد يجيلة . في الانتظاااااااااااااااااااااااااااااااااااااااااااااااااااااار . و جزاكم الله خيرا .

إن شاء الله يكون كل فريق لوحده و نتحاسب آخر الاسبوع . و الثنائي بتاع كل فريق هيكونوا ملزمين بإعانة و تذكير بعض لاداء الطاعة و اي خلل في أحدهما سيكون خلل في الفريق لانهما لم يعينا بعض , و كدا يكونوا خسروا النقطة بتاع اليوم دا . و إن شاء الله نريد فرقتين علي الأقل حتي نبدأ , و عموما أنا كونت أول فرقة و ف انتظار الفرقة الثانية للبدء .
اللهم أعنا علي طاعتك .........اللهم آمين .

و كمان مفيش رحمة و احنا بنتحاسب آخر الإسبوع , يعني وأحنا بنتحاسب مش هنقبل أي أعذار من أي فرقة حتي لو الفرقة بتاعي .

عموما المشروع لسه مطروح و ممكن أي عضو يكتبلنا أي تعديلات و ان شاء الله كل المقترحات تكون في الحسبان . جزاكم الله خيرا و في إنتظار الفريق الثاني . و يستحسن يكون الثنائي عارف بعضة . و طبعا الأخوة مع بعض و الأخوات مع بعض ...

طب كدا ممكن الأخ حادم الدعوة و الأخ حفيد البنا يكونوا فرقة تانية

طب ممكن نبدأ أمتي ؟

أنتظر تحديد موعد البدء و لو عايزين نبدأ السبت و نتحاسب الجمعة , ممكن .

و فرقتنا ( رقم 1 ) هيكون أسمها ( شباب الإسلام )

و في إنتظار إسم فرقتكم . و ربنا يعنا علي فعل الخير .

جزاكم الله أخي الفاضل على هذا الاقتراح المفيد
ولكن لي وجهة نظر احب اشارك حضرتك فيها
شهر رمضان دقائقه غالية جدا وأعتقد إن احنا لابد نقلل وقت جلوسنا على الكمبيوتر شوية لان في حاجات أخرى كثيرة الوقت في رمضان محتاجها
وأرجو المشاركة

جزاك الله خيرا أخي ( الباحث عن الحقيقة - و يا رب تلاقيها - ) علي هذه التذكرة .

بالنسبة لي , فأنا فعلا كنت بقعد علي النت كتير . بس أنا رجعت تاني أنتظم في حفظ القرآن و دا

بصراحة بياخد و قت لأني بكتر شوية علي نفسي و ذلك بالإضافة لبعض الكتب التي بدأت أقرأ

فيها . يعني أنا ممكن أقعد كذا مرة في اليوم بس كل مرة ممكن لو الجهاز بحاله جيده لا أزيد عن

نصف ساعة , بشوف الموضوعات الجديدة في المنتدي ده و منتدي الكليه , و دا زي فاصل .

كما أننا نذكر بعض بالطاعة كما تري , كما أن النت نافذة لنا علي العالم الخارجي .

تقريبا أعتقد إنك هتبدأ معانا يوم السبت و لا ايه .. ممكن تبدأ لوحدك لحد ما حد تاني يدخل معاك .

أنتظروا الطاعة الأولي من فريق شباب الإسلام يوم الجمعة علي أن نبدأ يوم السبت في التنفيذ .

عموما لحين الرد - و إن شاء الله يكون بخير - احنا مضطرين للبدأ يوم السبت غدا

و هتكون طاعة الإسبوع القادم هي : قرءاة ( جزء ) من القرآن يوميا حتي يوم الجمعة القادم .

و عليكم السلام و رحمة الله و بركاته

أنا بخير الحمد لله

هو فعلا الأخ خادم الدعوة بقاله فترة ما بيكتبش و غايب عن المنتدي , بس هو رجع يكتب النهارده

ممكن تبعتله رسالة خاصة .