هام جدا للشباب ارجوا الرد

سؤال مهم جدا

مين الاحسن الاجازه ولا الدراسه ؟

كل واحد يرد ويقل اسبابه احسن ليه واوحش ليه وكله يرد حتى الاباء

أنا بحب الدراسه عشان بشتغل أكتر بعمل حاجات أكتر بحس انى بتعامل مع الوقت فيها أحسن

وبعدين بفتقد أصحابى فى الكليه واخواتى فى الأجازه

مغامرات وحاجات كتير ىوى بتحصل فى الدراسه

انا حتى بحب الكليه بتاعى جداا

بحس انى وانا ماشى انى سايبه جزء منى هناك

بحبها بالرغم كل اللى عملته فينا

لكن بكره كتر الامتحانات اللى عندنا وبكره ضغط المذاكره

كفايه والله جو مسجد صلاح الدين

دا بقى مسجد فى اول المنيل كنادايما بروحه وأنا وصحابى حاجه رائعه جداااااااا

وبصراحه فى الدراسه قدمنا فرصه نحضر حاجات صعب نحضرها فى الاجازه عشان بتبقى فى القاهره

اما الاجازه برضه بحبها

لأننى بتحرم من ناس كتير اوى فى الدراسه مش بشوفهم غير فى الاجازه

مسجدى والبنات اللى بحفظهم قرآن

طبعا انى بمارس اهتمامتى بدون تأنيب ضمير عشان المذاكره

الأجازه برضه احساس حلو بعد سنه دراسيه دسمه جدااا

انا كده شكلى بحب الاتنين

اقولكم على حاجه حلوه

شغلنا اللى فى الدراسه مع روقان الاجازه

تبقى أحلى اوقات

بدون ضغط مذاكره

على فكره المذاكره متعه بس لو احنا فاهميين ومش زنقيين نفسنا فى الوقت

لكن للأسف لما الدكاتره يكروتوا شابتر من اهم الشابتر فى ماده معينه ونبقى مش فاهمين

أكيد هنكره المذاكره

موضوع حلو على فكره
جزاك الله خيرا

الأجازة والدراسة كويسين بس الاحسن الدراسة لان معظم وقتى بيبقى مع اصحابى صحيح فى مذاكرة وامتحانات بس بتبقى مع اصحابى متعة اما الاجازة بنفترق يغنى اللى بتسافر واللى بتقضيها نت على طول زى حالاتى...الخ

موضوع جيد

جزاك الله خيرا

بالنسبة لى يا ميزو أنت عارف مش فارقة كتيير أجازة زى دراسة على طول فاضيين

وبعدين احنا هانوجع فى دمغنا ليه كلية ايه احنا هانحبها دى (كل ليه وأنت تتخن).
وسلملى على الكلية

سوال جميل جدا ولكن انا مبتفرقش معايه فى الدراسه بلعب وفى الجازه بلعب ولكن فى الدراسه بلعب يس فى ناس بتوعد توجع فى دماغ الواحد وفى الجازه بلعب بدون وجع الدماغ بس هو ده الفرق عندى وعند اى حد معايه فى المدرسه

كل حاجة وكل مرحلة من حياة الانسان حلوة ولها مميزاتها

بس
حسب استغلالها بصورة جيدة ام لا

المهم النية الصادقة فى العمل وان يكون موافقا للشرع ويرضى عنه الله

جزاكم الله خيرا

الكل تكلم على الدراسة والاجازة من وجهة نظر الطلبة
اما من وجهة نظر الاباء
فالدراسة احسن ليه لان الاولاد فيها بيخرجوا وبيلعبوا بس في الاخر نستطيع السيطرة عليهم بالمذاكرة
لكن في الاجازة عايزين ينطلقوا وليس عليهم راقيب ويقولوا هو مش كفاية ايام الدراسة
ال يعني كانوا محبوسين
وبعدين في الاجازة عايزين عايزين عايزين مبيشبعوش
مفيش احسن من الثانوية العمية تكتم على رغباتهم
مش كده ولا ايه