بركاوى يعود من جديد

عوده ليوميات بركاوى

اوعى يكون حد نسى حبيب الملايين بركاوى

طبعا لأن اخونا بركاوى خلص امتحانات على خير

والحمد لله محصلش خسائر فى الأرواح

وخرج منها بسلام

تعالوا نشوف بركاوى بيعمل آيه فى الأجازه

المكان
فى غرفه بركاوى الجامد جداااا

الزمان

عاشر يوم فى الأجازه

الحدث

خبط ع الباب وكوبايات شاى داخله وكوبايت شاى خارجه

والكمبيوتر بيستغيث من بركاوى

وورق مالى الأوضه

مش هأوصفلكم منظر بركاوى

شعره منكوش وبيفكر

ياترى بيفكر فى آيه

بركاوى من يوم ما خد الأجازه بيعمل خطه للأجازه

ويقطع فى ورق كأنه بيكتب جواب زى أفلام عبد الحليم

المهم الحمد لله بركاوى خلص الخطه على خير

واليكم خطه بركاوى فى الصيف

بيان هام من قائد جبهه التحرير الصيفيه

الأخ بركاوى الجامد جدااااا

نويت انا المذكور أعلاه

أنا اقوم بالآتى

هأخرج كل يوم أتفسح مع أصحابى

هأولع فى كل ما فيه الثلاثه احرف القادمين الكاف التاء والباء

مش هقرب للمكان التى تقطن فيه كليتى المصونه

هنام بافتراء هتاجر فى النوم

هأروح أصيف ولا بلاش اللى بيروح يصيف بيعتقلوه الايام دى

احنا نعمل حمام سباحه فوق سطوح ام بسطويسى ونلم عيال الشارع ونقولهم مصيف متنقل

هأساعد فى البيت

هأسيبلهم كل حاجه يعملوها

ويجيبولى الاكل لحد عندى

ما انا لازم ارتاح من الامتحانات

هاهزر مع اخواتى

يعنى أداعبهم اللى عايز حاجه على التليفزيون هأقلبله من عليها واجيب اللى أنا عايزه

انا كده هاتعب اوى فى الأجازه

بس أهم مشروع مش حمام سباحه فوق سطح ام بسطويسى

الله عليك ياواد يابركاوى مبدع صدقى مبدع

تخيل كده لما الجرايد تكتب عنك

بركاوى اللذيذ ومصيف فوق سطح ام بسطا

بركاوى يتحدى الملل

مع بركاوى المصيف أحلى كتير

بس المشكله أعمل دعايه فى انهيه جورنال

مش مشكله المشكله

أجيب أصحابى ونبدأ فى تنفيذ المشروع

هتكسر الدنيا يابركاوى

انت عارف ياواد يابركاوى لو أنت غنيت يا سلام

ولا العندليب فى زمانه

طب بص ياواد يابركاوى

انت ممكن تغنى على البسين بالليل بالنهار مصيف وبالليل تجيب العيال وتغنيله

واهوه تستفيد بالصيف

الله عليك ياواد يابركاوى عبقرينوووووووو يا اخواتى

اسيبكوا بقى وانتظروا باقى يومياتى

والى هنا دا كنا يوم من ايام بركاوى فى الاجازه

ملحوظه

اوعوا اوعوا اوعوا يكون حد هيعمل زى بركاوى

أنا متبريه منه ليوم القيامه

فضحنا فى كل حته

تأليف أخراج ودعايه وأعلان ومونتاج وأخراج واى حاجه فى الدنيا

عاشقه الأقصى

وربنا يستر عليه من كتر تأليف يويمات بركاوى

متبريه من بركاوى ولا ملى هيعمل زيه

انا هعمل الحمام فوق سطح ................................
يعمل الاعلان فى مجله مزايا

كويسة فكرة مزايا دى يا ميزو أما أنت يا عاشقة الأقصى فجزاك الله خيرا على هذه الخطة الرائعة ........ فعلا الواحد محتاج فترة نقاهة

لا لأ ياجماعه

هو الموضوع هيقلب بجد والناس هتعمل زى بركاوى

أرجوكم

غيروا فى الخطه شويه ابتكروا يعنى

وانتظروا باقى اليوميات

لا طبعا مفيش حد بيفكر يعمل كده بس فى الواقع الكلام ده بيحصل يعنى ممكن تلاقى واحد بيعوض نوم السنة كله والامتحانات فى الاجازة وواحد تانى يقضى الأجازة كلها مصايف وفسح وخروجات وواحد تانى بتيجى الدراسة وهو لسة بيجهز خطة الصيف ودى طبعا موجودة فينا كتير المهم ربنا يسترها علينا ويعيننا

السلام عليكم

اعتقد ان بركاوى مثل كثيرمن شباب امتنا عايش من اجل العيش

فى عدد الدستور الاسبوعى اتوا بكاريكاتير عن الاجازة بيقول فيها

اجازة
عندما تبتسم الحياة من جديد عندما تدفن وراءك عاما كاملا من السخافة و تقل الدم ...عندما تستيقظ من نومك فقط عندما تريد ذلك ...عندما يصبح اللاشىء مسليا للغاية ...و الحر ظريفا ...و الاكا مش لازم اوى يعنى .

الاجازة مؤجرة لفترة محدودة، ترى نهايتها قبا ان تبدأها ...لذا عيش المتعة فيها (مِجوز) و مد ساعات يومك الـ 24 ساعة الى 30 ، 50، 90، ميه .
+++++++++++++++++++++++++++++++++++++++

هذا ما ذكره أنديل فى مقاله
قد اختلف معه بعض الشىء
ان الاجازة هى فترة لتغير نفسك لفترة الدراسة
هى فترة تنهل من الكتب حتى تستطيع ان تؤثر فى اصدقائك ايام الدراسة
هى فترة كل فيها لله عز و جل
و اجعل شعار أجازتك

أجازتى كلها لله

عبد الرحمن الناصر

جزاك الله خيرا يا أ/ عبد الرحمن

آدى الكلام ولا بلاش