كريمه وشيكولاته

مش عايزين من أولها استغراب

دى مش وصفه أكل

ولا غلطه مطبيعه

دى حقيقه واقعيه

ممكن تركزوا معايا شويه أويه بالظبط كده

الكريمه لونها

طبعا بديهيا بيضا

والشيكولاته اللى أنا قصدى عليها عشان المدخلات اللطيفه

بنى

بتشوفهم بيتخانقوا فى التورته أو الجاتوه

أول رد

فى أصلا جاتوه بالشيكولاته وجاتوه تانى بالكريمه

بس ممكن يكون مع بعض

والشكل بيبقى جميل والطعم كمان

عمركم سمعتوا ان الكريمه بتعترض ان الشيكولاته تتدخل معاها أو العكس

أظن لا

عارفيين بقى ليه التورته بتبقى حلوه بالأتنين

لان الكريمه قبلت الشيكولاته باختلاف طعمهم ولونهم

وكمان الشيكولاته قبلت الكريمه
وطلعولنا فى الآخر تورته طعم جميل جدا

استنوا بس مش عايزين ضرب الله يكرمك

كلكم بتقولوا وايه اللى دخلنا بخناقات الكريمه والشيكولاته

لو كنتم تصبروا

التورته هى حياتنا

والكريمه والشيكولاته

انت والآخر

ليه كل واحد بيفكر ينفرد بالدنيا لوحده وعايز فكره بس اللى يمشى وكل ما يخالفه غلط ولا يقبل

ليه بقينا كده؟

يمكن عشان فقدنا معانى حلوه فى حياتنا
منها ان احنا نتقبل الآخر اى ماكان

اتقبله غير أذوب معاه فى حياته

أتقبله وأتعايش معاه

لو أخدت الحاجات الحلوه اللى فيك والحاجات الحلوه اللى فى صحبك اللى بيختلف معاك تماما

وبحثتوا عن الحته المشتركه

هنعمل أحلى تورته قصدى أحلى دنيا

دنيا توصلنا لبر الأمان

عارفيين

التعايش شئ رائع جدااااااااااا

وصدقونى بعد فتره بتحس انك برقيك فى تقبلك للناس

ان الناس بدأت لو أنت على حق تقتنع وتبدأ تتغير

ياجماعه لما الشيكولاته تعايشت مع الكريمه طلعت تورته ترضى كل الأذواق

لكن لما كانت كل واحده لوحدها بقى فى حبه يأكله كريمه وحبه يأكلوا شيكولاته

عشان ترجع أمتنا

لازم نتعلم ألف باء حوار وتعايش وتقبل للناس

مش عايزين نبص على المجتمع الملتزم اللى أنت كبرت فيه

بص على الجامعه على العمل على خارج مصر

الشباب المسلم اللى بجد هو اللى يعرف أزاى يكسب قلوب الناس ويكون أحباب مش عدوات

أنا بقول الكلام لنفسى قبل آى حد هيقرأ كلامى

لأن اللى بيأخر دعوتنا

هو عدم فهمنا لأشياء بتؤلف القلوب

لما تنظر للى قدامك بعين الحب وانك فعلا نفسك ربنا يكرمه عشان أنت بتحبه غير لما تكون وكأنك بتعمل واجب مدرسى عشان تمضى انك عملت

عايزين نعرف نتعايش نتحاور نقبل الآخر وأرجوك بجد عايزين نقبل بعضنا

وندور على المشترك بيينا

وهنلاقى والله

ونبقى أحلى شباب

ودى كانت البدايه فى سلسله أنا هأكتبها اسمها أحلى شباب(شباب هنا للبنات وللولاد)
ان شاء الله

والناس اللى أخدت الأجازه

أجازه سعيده واللى لسه ربنا معاكم

جزاكم الله خيرا

موضوع ممتاز بس مش مشكلة شكل الدنيا المهم التورته

ماشاء الله
موضوع جميل وأنا بعتبر ده تكملة للموضوع اللى بدأناه(أنا حر)
فعلا عايزين نفهم بعض ونلتمس الأعذار لبعض ونناقش ونحاور وصاحب الحجة القوية مش بيخاف يعنى مثلا لو حد نشر موضوع على المنتدى ده والموضوع بيتكلم عن الأتى (إن إنتو مش فاهمين الدنيا ماشية إزاى وإن إيه تطبيق الشريعة والإسلام يحكم دا كلام فارغ ووهم
وإن إنتو منغلقين ومتحجرين)
بأمانة وبكل صدق إيه هيكون رد كل من
1-مشرف المنتدى أو القسم
2-السادة الأعضاء
وعلى فكرة حصلت حاجة زى كدا فى المنتدى ده وكان رد الفعل سيئ جدا
يلا نبقى حلوين ونتناقش بجرأة من غير من نجرح بعض
يا اخوانا الدنيا بقت مفتوح فوق ما تتخيلوا

بجد الموضوع جميل وممتع ويستاهل المناقشه

هو بيتهيألى إن حكايه الكريمه والشيكولاته دى زى مشكلة العنضريه إللى بيعانى منها الكثير

منا مش هنا فى بلادنا العربيه لأ فى الدول الأوروبيه كتير بنسمع عن العنصريه دى

وبجد اللون او الشكل مش هو إللى بيميز البنى أدم عن غيره

اللى بيميز البنى أدم عن غيره :: هى التقوى والعمل الصالح

وجزاك الله خيرا كاتب الموضوع

مع تحياتى المتواضعه ::::::

ماشاء الله الناس بدأت تتفاعل مع الموضوع

أنا مش فاهمه يا ابن الخطاب

قصدك ايه المشكله مش فى شكل الدنيا المشكله فى التورته

جزاك الله خيرا على التعليق

فارس الحرف

فعلا محتاجين نحس بانفتاح الدنيا عشان نقدر نتعامل معاه

أنا اعرف مدونين عاملين مدونه بترد على العلمانيه

وبجد ماشاء الله عليهم

لازم نتحاور ونتكلم ونبين للناس كلها ان الشباب المسلم شباب بيفهم مش شباب همجى

الظل الغامض

العنصريه فعلا شئ موجود بيبنا

هناك كمان كعرب

أصل العنصريه مش باللون بس

لأ العنصريه بالمراكز

سعنى دا ابن مش عارف مين يبقى اتفضل ياباشا

لكن واحد بسيط بيضيع حقه

يقوم ما نقدر نتعايش هنبقى بجد خير أمه

منتظره تفاعل باقى الأعضاء

التعايش مع الآخرين هو اللى علمه الرسول للصحابه

منذ بداية الدعوة فلم يأمرهم بالتقوقع بل بالانفتاح على الآخرين

مثل

عمل معاهدة الدفاع المشترك مع اليهود فى المدينة عند الوصول للاخر

ارسال رسائل للملوك والامراء وعرض الاسلام عليهم

أنا كان قصدى أن المهم شكل وطعم التورته

لا بس يا جماعه الموضوع ده مهم جدا لازم يكون فى تفاهم وحب وود بينا ويكون ده دافع أساسى للحوار .

لازم علشان تكون بتتقبل رأى الغير علشان الغير يتقبل رأيك .
حتى لو مش هاتقتنع غير برأيك تسمع وتفهم اللى بيتقدملك من نصائح حتى لو من شخص أصغر منك علشان تقدر تأثر فيه وتقنعه بوجهة نظرك .
مجرد إحساس إن عدم تقبل الأخر ورأيه نقص فى شخصية الانسان .

عندك حق يا ابن الخطاب وانت ايضا يا عاشقة الأقصى

فهذا الموضوع فى غاية الأهمية وايه المانع من أ ندرس أدب الحوار مع بعض ونتناقش فيه

السلام عليكم

ديه اول مشاركه بعد ما خلصت امتحنات
انا كنت حابب اقول بس ان احنا فى المثال ده جيبنا حاجتين حلوين اساسا
امال لو كان جزء حلو وجزء وحش نعمل ايه
لازم فعلا نتعلم ا ب حوار
انا باذن الله هحاول اشارك فى الموضوع ده
وشكرا

الموضوع فعلا الناس بدأت تتفاعل ماشاء الله

وفعلا ملحوظه حلوه أوى

انا جبت مثل فعلا مثليين حلويين

لكن لو كانوا الاتنين فعلا واحد وحش وواحد حلو كنا عملنا ايه؟

بجد

الموضوع محتاج كل أنسان تقول اراءها وتتكلم

للأسف أصبحنا فى المنظومه الواحده فى المكان الواحد فى العمل الواحد

كل واحد بيشوف رأيه هو بس الصح

لكن طبعا فى ناس بتحاول تتعايش وتتفهم

وصدقا أصل التعايش وأصل حاجات كتير

الفهم

التحاور ,التعايش ,التفاهم ,الذوبان ,حريه التعبير ,الانفتاح ,التقبل ,الاشتراك ,الحب ,التناقش.........

هو اصل كل شيء في هذه الدنيا الغريبه
ولكن يبقي السؤال .............؟
لواحنا حاولنا نطبق ده علي ارض الواقع ماذا سيحدث؟
بين الرايس ومراؤسه.......الزوج وزوجته....الاب وابنه........الخخخ
بيتهيئلي كده ممكن نرجع تاني لدينا وعزتنا ترجع لنا تاني
ممكن ........لامش ممكن .....ده اكيد ان شاء الله
نسال الله ان يستعملنا ولا يستبدلنا انصره دينه
وان يجعلنا زخرا للاسلام والمسلمين
وان ينفعنا بما علمنا
ممكن نكون بنحلم
لكن ممكن يكون الحلم حقيقه

رب همـــــــه غــــــيرت امــــــه
شكرا لكي اختي علي اثاره هذا الموضوع

تقبل آراء الآخرين حتى وان اختلفت معهم شىء ليس بالسهل على النفس البشرية

ولذلك فهو دليل على قوة الشخصية
ومازلت عند قولى اننا يجب علينا دراسة ومناقشة أدب الحوار

السلام عليكم ورحمة الله وبركاته ومغفرته ..
ماشاء الله موضوع غاية فى الروعه وجميل جدا فى وصفه ومضمونه .. بصراحه أنا مع الأخت (( عاشقة الأقصى ))
وأكثر مع الأخ الكريم ( فارس الحرف ) جزاه الله كل الخير على ما قاله ..
فعلا ياجماعه إحنا محتاجين إننا نفتح أكتر على الدنيا مش عايزين نفضل منغلقين جدا , الدنيا يوم عن يوم بيحصل فيها تطورات بشكل سريع جدا .. يمكن أنا والأخوة والأخوات اللى بيسافروا كل يوم لكليتهم أو حتى طبيعه حياتهم العمليه بتلزمهم إنهم يسافروا .. حسينا بالتطورات والتغيرات اللى بتحصل دى .. وعلشان كده محتاجين إننا نواكب التطورات إن وقتها هنعرف ايه هو الاحوال اللى عايش عليها باقى شباب اليوم وبكده نقدر نجدد دعوتنا معاهم بالشكل اللى هما يفهموه مش اللى إحنا فاهمينه .. وعلى وضع آخر أيضا ً وهو (( المنتدى )) أخواننا المشوفين وأخواتنا المشرفات حفظكم الله جميعا ..(( محتاااااااااجين مزيد من الحرية فى إبداء الرأى بدون قيود الا إذ كانت غير لائقه ولا تصح .. وأيضا محتااااااجين حرية فى طرح الموضوعات والمشاركات ))
ياجماعه دلوقتى أى منتدى بتطرح فيها مواضيع ساخنة جدا مع إن بعض هذه المنتديات غير إسلامية لكن الأعضاء فيها بتفاعل مع الموضوعات دى ..
محتاجين ياجماعه اننا نركن شوية كلمة (( خوف )) أو حتى كلمه (( ظروف ...... )).. لإن بجد دى أكتر كلمتين مقيدانا فى المنتدى ..
معذرة لو كان فيه شئ من الحدة فى الكلام وأرجوا إن كلماتى الأخيرة متكنش سببت ضيق لفريق الإشراف ..

جزيتم الله خيرا ً وأكلتم أحلى طيرا

أختكم / ...
حفيدة مجدد القرن العشرين ..

هودا اللى أنا بقوله يااخوانا أنا عايز كلام مباشر مش كلام مطاطى
يعنى مثلا كلنا عارفين إن الحرية مش معناها قلة الأدب والتجريح وعدم الخروج على مستوى الأخلاق
ماشى حلو الكلام دا أوى بس إيه هو السقف دا بقى ؟؟؟؟؟؟؟؟؟؟؟؟؟؟؟؟
نوضح أكتر يعنى مثلا ومن باب النقد البناء هناك إختلاف مقبول بين العلماء فىموضوع الموسيقى
فلو أنا حطيت أغنية وهقول أغنية مش نشيد لأن العبرة بالمسميات وليست الأسماء كلماتها كلها لاغبار عليها ومعاها مسيقى إيه هيكون رد فعل مشرف القسم ؟؟؟؟؟؟؟؟؟
أقول لكو أنا
هيشيلها على طول وعلى سلة المهملات عدل
فين بقى إحترام الأخر وفين نتعاون فيما إتفقنا عليه
حاجة تانية واحد متبرجة ولها أفكار منحرفة وضد الحجاب وأى حاجة لها علاقة بالدين وقالت أنا عايزة أشارك فى المنتدى ده هل هنوافق؟؟؟؟؟؟؟؟؟؟ ولا هيكون رأى أغلب الناس لالالالالالالالالالالالالالا
دى هتعمل فتنة فى المنتدى
للأسف يا خوانا إحنا فيه حاجات وصور فى دماغنا أكل عليها الدهر وشرب دى اللى بنحكم بيها على الأشياء
ياريت نفكر فى الحاجات دى ومستنى الرد
وبحرية

واضح اننا عايزين دروس فى الحرية يا فارس الحرف

أويمكن احنا اتربينا على التفكير ألف مرة قبل ما نقول الكلمة

انا معاك منتظرة رد باقى الاعضاء بحرية

انت تتطرقت لنقطه مهمه جدااااا

فى تقبلنا للأخر فى فكرنا اللى قافلين عليها بالقفل

وهو دا الصح

للأسف بينا مش عايزين نقبل الا شكل واحد ونمط واحد

انت بتقول متبرجه

يا اخى دا فى ناس تعتقد ان الأخت اللى مش لابسه خمار ولابسه طرحه

ربنما يكرمها وتلبس خمار

على الرغم من ان اخوات سوريا والأردن مش بيلبسوا خمار

يبقى هما أقل التزاما

بنحاسب الناس وكأننا رب الناس

وكمان موضوع الموسيقى
الأمر المختلف فيه

نرفضه احنا

معلش احترم رآيك ووجهه نظرك لكن لاتفرض عليا

الحريه انى اقبل الآخر بكل ماتعنيه الكلمه

حتى لو المنتدى أسلامى

انا اهعرف ناس عاملين مدونات عشان ترد علىا لعلمانيه

لأنهم شافوا الخطر اللى بينتشر

ومدونات شباب وبنات الأخوان والملتزمين عموما

ناس كتير بتتدخل تشتم وتتكلم

وبنر
باحترام

انا شوفت مدونين بيتشتموا بجد مش مجرد نقد

النت والمنتديات عالم مفتوح

ممكن يكون فتح للدعوه

وممكن يقعد الناس واالله

ياريت باقى الأعضاء تتدخل تتكلم

والله المستعان

فعلا
انا لاحظت وسمعت
ناس كتير بتتشتم
وخصوصا
اصحاب الحق
(( الاخوان))
دا والله حقيقة

بس على فكرة
الشيكولاتة دى
محيرانى
انا مشعارف سايحة
ولاكانت محطوطة فى التلاجة

ترجوا الرد

اخوكم حفيد

انا بصراحه مش عارف ارد اقول ايه

بس انا حاس ان فى حاجه غلط
انا حاسس من كلام كل واحد ان مشرفين المنتدى مسكين فى خناق كل واحد فيكم
ممكن اعرف ايه معنى الحريه عندكم
انا مش فاهمها بصراحه عندكم ايه
مين اللى ماسكم فى منتدانا الغالى
انا نفسى حد يرد عليا ضرورى
انا حاسس من كلامك يافارس الحرف العظيم
انن فى ظلم وقع عليك
ممكن نعرفه
ايه اللى المنتدى مش موفره ليكم