انا حر.....إزاى ويعنى إيه؟

أنا حر
الكلمة دى بنسمعها كتير بس يا ترى إيه معناها عايزين نتكلم شوية عن الموضوع ده
يعنى مثلا هل انا حر فى أرائى حتى لو مخالفة لمعظم الناس؟
هل أنا حر أنقد أى شخص وأى شئ مهما إن كان وضعه؟
هل انا حر أبقى مسلم أوكافر أو ملحد وحر فى التعبير عن فكرى؟
هل انا حر كفنان أكتب اللى أنا شايف إنه صح؟
هل من الحرية أن يوجد أحزاب شيوعية أوغير إسلامية فى الدولة المسلمة؟
هل من الحرية إنى أخالف أبويا وأمى فى بعض الأمور؟
هل مطلوب منى أقتنع بأى رأى عشان الرأى ده قاله الشيخ فلان أو الأستاذ فلان ممن هم أكبر منى فى العلم والمعرفة؟
هل هناك تعارض بين السمع والطاعة فى الصف المسلم وبين حرية الرأى؟
حاجات كتير عايزين نراجع نفسنا فيهاوياريت كلنا نكلم فى الموضوع ده بحرية
ولاأنت مش حر

الحرية اولا فى اختيار الدين والالتزام بتعاليمه

فلا اكراه فى الدين ولكن مجرد ان الانسان اختار الدين الحق

فيجب عليه تنفيذ كل الاوامر والنواهى التى ترضى الله

حتى لا ينطبق عليه أفتؤمنون ببعض الكتاب وتكفرون ببعض

على فكره الموضوع ده الواحد بيفكر فيه كتير جدااااااا

يعنى مثلا هل انا حر فى أرائى حتى لو مخالفة لمعظم الناس؟

اذا كان رأيى ده مفيهوش تجريح لحد أكيد حتى لو مخالف مدام أنا مقتنع بيه ومعى حجتى يبقى أظن مفيهوش حاجه
أهم حاجه اننا نتقبل الأخر

هل أنا حر أنقد أى شخص وأى شئ مهما إن كان وضعه؟

او نقد بناء يضيف له وماذا فى النقد طالما بعيدا عن التجريح

وبعيد عن التجريح بكل ماتحمله الكلمه سواء تجريح لفظى او معنوى

هل انا حر أبقى مسلم أوكافر أو ملحد وحر فى التعبير عن فكرى؟

أنا مش فاهمه السؤال أوى

لكن لو أنا مسلمه أفكر بفكر يتلائم مع هويتى الأسلاميه
مش فكر مفرنج
او فكر مشوش

هل انا حر كفنان أكتب اللى أنا شايف إنه صح؟

طالما لايخالف دينك قصدى هنا لو مسلم فأكتب ماشئت
لكن انى أتعدى على حريه الآخرين فلا وألف لا
انى أسب نبى أو فرض اسلامى فلا

هل من الحرية أن يوجد أحزاب شيوعية أوغير إسلامية فى الدولة المسلمة؟

بصراحه مش عارفه ونفسى حد يوضح النقطه ديه

بص يا أخى نبقى نتناقش فيها

هل من الحرية إنى أخالف أبويا وأمى فى بعض الأمور؟
أخالفهم كبيره شويه

ممكن أقنعهم
لن رضاهم هو كل الدنيا

بس طبعا لاطاعه لمخلوق فى معصيه الخالق

يعنى أحاول أرضيهم واختار طريقى برضه

لكن بدون مشاكل

هل مطلوب منى أقتنع بأى رأى عشان الرأى ده قاله الشيخ فلان أو الأستاذ فلان ممن هم أكبر منى فى العلم والمعرفة؟

فى رأى أنا انا ليا عقل أفلتر بيه كل حاجه وتبع الأدله والبراهين

وبعدين فى حاجات كتير ممكن نختلف فيها مع ناس اكبر منا ويتركونوا نخوض التجربه

ودا حصلت معايا كتير فى الجامعه

احنا بنتعلم ازاى نحترم اختلاف بعض ونتوافق فيما بيننا

هل هناك تعارض بين السمع والطاعة فى الصف المسلم وبين حرية الرأى؟
أهو دا بقى موضوع عايزله مناقشات طويله

لكن ايه التعارض بين الاتنين

انا لو مش مقتنعه بحاجه مش هأعملها

لازم أقتنع

لكن مثلا لفى مشوار مهم جدا وتبلغت بيه

اقعد بقى اسأل ليه وفين وازاى

لا نروح على طول

مواقف مواقف

حاجات كتير عايزين نراجع نفسنا فيهاوياريت كلنا نكلم فى الموضوع ده بحرية
ولاأنت مش حر

احنا احرار بعبوديتنا لله

انا بقى عايزه اقرا ردك

يافارس هز بالحرف أركان السكون

كويس أنا شايف إن الموضوع بدأيسخن بس لسه برضه فيه حاجات أكتر
يا ريت من خافش ونتكلم بحرية أكتر

والله الموضوع ده كويس جدا يا جماعة وبصراحه الكلام المكتوب جميل جدا

بس أنا ردى فى3 نقاط :-
الأولى :- أنت كنت حر تختار دينك وأنت اللى اختارت الاسلام
أكيد تبقى التانيه
التانيه :- من حقك تختلف مع أى حد فى الرأى مع مادام هذا لا يختلف مع المنهج اللى أنت اختارته ( الشريعه ) ولا ننسى أداب الاختلاف فى الرأى وأنه لا يفسد للود قضية .
التالته :- لازم تكون مقتنع بأى حاجه تعملها علشان تعملها كما ينبغى .

ايه يافارس المواضيع السخنة دى بس حلو أنا رايى إن الحرية هىأن أقول كل ماأريد أن أقول أو أفعل كل ماأريد أن أفعل شريطة أن لا أجرح أحد أوأن أتعدى على تعاليم أوثوابت دينية وإلا ستنقلب الحرية إلى وقاحة وأضف إلى معنى الحرية أيضا أن أتقبل النقد وآراء الآخرين بصدر رحب وبدون غضب م الآخر لازم نتكلم علشان عقولنا تنشط وفكرنا ينضج أكثر واكثر بمعنى أن نخرج من القولبة (منكونش استمبات يعنى مبنتغيرش)لان هتكون النتيجة إننا هنلاقى نفسنا عقول متحجرة والدنيا كلها من حوالينا بتتغير لأن عند قيام الدولة الإسلامية إن شاء الله (على أيدينا)لابد أن نتقبل ونتعايش مع كل الآراء بدون أدنى تفريط فى عقيدتنا .

إيه الموضوع مش عاجبكوا مفيش حد بيعلق لييه ولا الإمتحانات شغلاكوا عننا
الموضوع دا مهم جدا يا جماعة مهم جدا جدا يا ريت الكل يشارك

هل هناك تعارض بين السمع والطاعة فى الصف المسلم وبين حرية الرأى؟

لا تعارض بين السمع والطاعة فالطاعة تحتاج لسمع لتكون تنفيذاً فى ارض الواقع
فالسمع والطاعة لا تكون الا فيمايرضى الله عز وجل
فلا سمع ولا طاعة فى معصية الله
فالسمع والطاعة لازمتان من لوازم الاجتماع وهما فى الحقيقة بمثابة العمود الفقرى من الانسان لكل أمة من اللمم حيث لا يتأتى دفع عدو او انتصار جيش إلا إذا كان السمع والطاعة خلقا فى كل فرد من افراد هذه الامة متماسكة قوية ثابتة ما كانت لها الكلمة ومن ورائها كل فرد يسمع ويطيع قول الله تعالى ( يأيها الذين آمنوا أطيعوا الله وأطيعوا الرسول وأولى الأمر منكم)

هو الموضوع بتاع الحريه نام ليه

ياريت الناس تتدخل وترد وتتناقش فى أسئله كتير فى الموضوع تحتاج لنقاش

جزاك الله خيرا يا فارس الحرف على الموضوع الجميل ده

واكيد طبعا فى حرية ولكن لازم يكون لنا سقف يعنى مش حرية مطلقة فلا ضرر ولا ضرار ويجب ان تكون هذه الحرية فى حدود الشرع حتى لا تكون سوء أدب مع الخالق
فممكن أعبر عن رأييى ولكن بذوق رفيع بحيث ابين وجهة نظرى بدون تجريح أو احراج لأحد
أما مع الوالدينفلا تجب مخالفتهما ولكن تكون هناك مساحة من الحوار والنقاش وابداء الرأى ولكن لا نصل لمخالفتهما
ونحن مرتبطين بثقافة مجتمعاتنا ولا ينبغى الشذوذ بالآراء غنه كى أجد من يستمع لأفكارى ويحترمها
وخلاصة رأييى ان هناك فرق بين الحرية فى ابداء الرأى وبين التبجح وسوء الادب فى ابداء الرأى