مواجهة الغلاء أصبحت الشغل الشاغل للست بهية ومحور حواراتها في لقاءاتها بصديقاتها وجاراتها، وكان آخر لقاء مع جارتها مدام نيللي التي قالت: «يابهية احنا دلوقتي بنحاول نوفر أكل في البيت بأي شكل في حدود الميزانية اللي معانا وفي حاجات كنت بأشوف إن مصاريفها بسيطة، وأنها آخر حاجة ممكن نوفر فيها لكنني حسبتها ولقيت أنها هتفرق..
وأولها الفول والطعمية، دلوقتي ساندوتش الفول ثمنه 75قرش، والطعميةكذلك أما طبق الفول من علي العربية فوصل ثمنه إلي ....... ولو وجبة كاملة في أي مطعم ثمنها ١٢ جنيهاً وأكثر يعني لو كل فرد من الأسرة فكر يفطر فول وطعمية هتلاقي الحسبة وصلت 1٠ جنيه فطار في يوم واحد!!
أما كيس الفول أبو جنيه نزلت كميته للنص وطبعًا ما يكفيش!! علشان كده فكرت أن أدمس الفول وأعجن الطعمية في البيت لأنه أوفر وأنضف ولو حسبتيها هتلاقي التوفير ١٠٠%
فكيلو فول التدميس بـ ٧ جنيهات، وهتضيفي عليه كوب عدس أو أرز بجنيه هتكون النتيجة الضعف وتكفي لعمل ١٢ كيساً من الكمية التي تباع بجنيه يعني ١٢ طبق فول لأسرة مكونة من ٤ أفراد،
ونفس الحكاية مع الطعمية كيلو الفول المدشوش بـ ٦ جنيهات لو جهزتيه في البيت هتأخدي ضعف الكمية وممكن تحفظيها في الفريزر وتستخدميها عند اللازم.
وممكن كمان توفري مع المربي واختاري الفاكهة في موسمها لأنها تكون رخيصة فلو فكرتي في عمل مربي فراولة كيلو الفراولة بـ ٤ جنيهات، ومعاه كيلو سكر بـ ٣ جنيهات، وليمون فهذه المكونات هتنتج في النهاية ٤ برطمانات من حجم ٤٠٠ جرام، والذي يصل سعره إلي ٤ جنيهات، أو ٤٧٥ قرشاً يعني وفرتي ٨ جنيهات، وأكيد هتلاقي بنود تانية توفري فيها