صدقني أنا عارف ... صدقني أنا عارفة

صدقني أنا عارف إن الصلاة فرض وإني لازم أصلّي في الجامع
صدقني انا عارف إن السجاير حرام وإنها بتضيع فلوسي وصحتي
صدقني أنا عارف ان القهاوي حرام
صدقني انا عارف إن المفروض ماارتبطش بالبنات وأكلمهم.. وإن اللي هعمله معاهم هيتردلي في عيلتي
صدقني انا عارف إن أنا على غلط وإن أنا كده قريب من النار
صدقني أنا عارف أن الحشيش والمخدرات حرام وبتضيعلي عقلي وبتخليني زي الحيوان
صدقني أنا مش وحش وأنا بحب ربنا وبحب النبي صلي الله عليه وسلم
صدقني.. وصدقني.. وصدقني

صدقني أنا عارفة إن شعري لازم أغطيه وإني بآخد سيئة بكل شعرة بتبان منه.. وإن كل شاب بيتفتن بيّا بآخد سيئة عليه
صدقني أنا عارفة إني لازم أصلي
صدقني انا عارفة إن المفروض مقعدش على قهاوي وأشرب شيشة
صدقني انا عارفة إن المفروض محدش يلمسني غير اللي يحلّ ليّا بس
صدقني أنا عارفة إني المفروض ما أنزلش من بيتنا بالهدوم دي
صدقني.. وصدقني.. وصدقني
وفي الآخر إدعيلي ربنا يهديني

معلومة بسيطة: المعرفة غير الإيمان
إنك عارف ان الصلاة فرض, مش كفاية
كلنا عارفين ان اللي بيسمع الأذان بيوطّي صوت الكاسيت وقت الأذان.. إنما لو كان مؤمن كان نزل صلّى
انا عارف إنك عارفة إن الحجاب فرض.. بس فين حجابك؟ فين إيمانك؟ إنك لازم تكوني عفيفة.. إنك أغلى من الجواهر.. متقوليش القماشة اللي على الراس دي حجاب مش هنضحك على بعض

إنتوا فين؟.. ورايحين فين؟
انتوا مستنيين إيه؟
مستنيين إن أخوك أوأختك أو بنتك تموت قدامك وهي بتعمل المعصية؟
مستني إن ربنا يبتليك بسرطان ولاّ شلل علشان تتوب وتفوق من اللي انت فيه؟
مستنية إن ربنا يبتليكي بمرض جلدي عشان تخبّي لحمك اللي مفرّجة الناس عليه؟ ولاّ يوقعلك شعرك اللي مطيّراه على الناس؟
ولا مستني ربنا يعميك بعينك اللي ما بتسيبش بنت معدية إلا وفحصت بيها كل حتّه فيها؟
مستني إنك تدخل القبر ويسألك الملكين: من ربك؟ ومن نبيك؟ وما دينك؟
هترد بإيه؟
هترد باللي كنت عايش عليه في الدنيا؟
كنت بتعيّط عشان حبيبك.. ومعيّطش من خشية ربنا؟
كنت بتبص للبنات ومبصّتش في كتابه تقرأ قرآنه؟
هتقول إيه لنبيك على الحوض؟ هتقولّه انا بحبك بس مبسمعش كلامك؟
فوقوا بقى
فوقوا بقى قبل ما تموتوا

صدقني أنا عارف ... صدقني أنا عارفة 000110

صدقني أنا عارف ... صدقني أنا عارفة 000110

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذا الرابط]

انا عارف ان الكلام ده موجود فى الناس كلها بس مش عارف امتى هيغيروه فيهم

اما على الموضوع
لاتعليق
زى الفل

موضوع مهم لكل انسان

ونصيحة فى وقتها وخاصة ونحن على اعتاب الاجازة الصيفية

يا ترى ها تعمل ايه فى الصيف السنة دى

موضوع هام جدا وهو محور حياة الفرد منا والذى لا يعلم متى ينتهى الاجل ولذلك حثنا الرسول صلى الله عليه وسلم علىذلك حين قال:

(اغتنم خمسا قبل خمس:شبابك قبل هرمك،وصحتك قبل سقمك،وغناك قبل فقرك،وفراغك قبل شغلك، وحياتك قبل موتك)
ويقول الحبيب فى حديث آخر :ما من يوم الا وينادى مناد ، يا بن آدم انا يوم جديد وعلى عملك شهيد فاغتنمنى فانى لا اعود الى يوم القيامه
فلنلق نظرة على حياتنا ونرى هل اذا قبضنا وبعثنا لنحاسب هل فعلا سنرضى عن انفسناوعن اعمالنا؟
اللهم اجعل يومنا خيرا من امسنا،وغدنا خيرا من حاضرنا

جزاكم الله خيراً

بارك الله فيكم وحفظكم ورعاكم وجعلكم زخراً للإسلام

هذا ما يسمى باغفلةه ليس عندنا احساس بالوقت ولا هدف فى الحياة ولا غايه ولا قدوة

من دعاء ابى بكر الصديق رضى الله عنه
اللهم لا تدعنا فىغمرة
ولا تاخذناعلى غرة
ولا تجعلنا من الغافلين

قد نكون فعلا نعلم ولكننا لا نعمل فاللهم اجعلنا ممن يستمعون القول فيتبعون احسنه وجزاك الله خيرا