الزواج المبكر...بين المؤيد و المعارض

زائر

السلام عليكم و رحمة الله و بركاته

لقد احترت كثيرا فى اى باب اضع هذا الموضوع ، هل اضعه فى حواء او المنوعات او فى الاسرة
فوجدت ان منتدى الشباب هو افضل باب لوضع هذا الموضوع .

ابدأ بسؤال مهم جداا؟!!

هل الزواج المبكر بيعطل ؟ السؤال موجه طبعا للشباب ؟
هل شاب عنده هدف و طموح و خطة فى دماغة نفسه يعملها ؟ هل لما يرتبط بواحدة هل ده بيعطل ؟!! انتابتى هذا السؤال كثيرا و سألت فيه كثيرين و كان رأيهم بين مؤيد و عارض و كل له أدلته

فكان من المؤيدين لفكرة الزواج البكر انهم قالوا انه عفة للشخص فهو يريد ان يعف نفسه عم يدور حوله من المحرمات و الفتن

و قال اخر اؤيد فكرة الزواج المبكر من اجل الاستقرار فأنا احب الاستقرار و الزواج سيحقق لى الاستقرار فى المأكل و المسكن و السكن الروحانى و العاطفى

و اخر قال عندما يتزوج الانسان فى بداية حياته يستطيع ان يعيش فترة الشباب مع زوجته مما يتثنا لهما ان يعيشا فترة من مراهقة عاطفيه جميلة مع زوجته و هذه ليست موحودة مع المتأخرون فى الزواج.

اما على النقيض فإن بعض الشخصيات آثرت الزواج المتأخر يعنى فى سن 28 او اقل بقليل او اعلى بقليل

فكانت وجهات نظرهم كالتالى :
1- المتزوج من الصعب عليه ان يستطيع ان يأخذ قرار فى ترك او الالتحاق بوظيفة ، بمعنى انه لا يستطيع ان يترك عمل و ينضم لعمل افضل اقل منه فى المرتب مع العلم ان العمل الثانى اكبر منه خبرة

2- و قال اخر : الزواج المتاخر يعنى رصيد من التجارب العملية قبل الزواح مما يتثنى لك الراحة بعد الزواج من ناحية الاستقرار المادى و النفسى

بين كل هذه الاراء بين مؤيد و معارض

كيف ترى الزواج المبكر ؟!!هل تؤيد او تعارض ؟
ارجوا من جميع الاعضاء المشاركة فى الموضوع و خصوصا الاخوات
و ارجوا من مشرف المنتدى تثبيت الموضوع للاهمية
و جزاكم الله خيرا

طبعاً أنا رأيى أننا نتبع سنة رسول الله صلى الله عليه وسلم

عندما وجه خطابه للشباب
من إستطاع منكم الباءة فليتزوج
فهذه وصية الرسول للشباب

بس مش أيام الكلية والمذاكرة أرى أن تلتفتوا للمذاكرة شويه

الزواج المبكر بين مؤيد ومعارض اولا الطير المسافر وكل اعضاء المنتدى بجد نفسوهم يجيوا عند كل واحد ويفصلوا النت عشان نذاكر ياجماعه صدقونا استحاله حد يذاكر طول اليوم

وبعدين احنا ناس متفوقه مقفلين المواد قبل كده وبنراجع

المهم

هل تؤيد الزواج المبكر يعنى اللى بعد الكليه على طول(يعنى سنه سنتين كده)

اه طبعا

للاسباب كتيييييييييير اوى

الشباب دلوقتى الملتزمين
فى ظل الفتن الرهيبه

والولاد اللى بقت متصاحب بنات كتير فى وقت واحد

اكيد محتاج انسانه توقف جنبه وتفكر معاه فى مستقبله ويبدأ احلامهم سوا تعيننوا على طاعه ربنا بجد

وكمان فيه حاجه اسمها الروح والعاطفه اللى بيصبر من اجل انه تكون فى الحلال
اكيد الانسان انسان مش أله يعنى
وكمان انا شوفت قدامى تجارب ناجحه للناس اتجوزت بدرى وبعدين هيعيشوا مع بعض ايام جميله وهم مازالوا شباب هيستمتعوا بشبابهم صح
وبعدين هيخلفوا اولاد وهما فى سن صغير بأذن الله

هيعيشوا التجارب مع بعض بحلوها ومرها

يعنى هيكونوا حاسيين ببعض اوى مش مجرد واحد كون نفسه وارتبط بواحده وماعشتاش معاه اى حاجه من التجارب اللى هو عاشها

هتبقى ألذ لو معاه انسانه فاهمه صح وهتهون عليه كل حاجه

وبعدين هيبقى بيشتغل وهو عنده هدف انه مسئول عن بيت واسره
وهما الدافع ليه فى الحياه

ناس كتير ناجحين واتجوزوا صغيرين
ا\عمرو خالد

ومصطفى حسنى ومعز مسعود

يعنى دول ناس بارزه اوى فى المجتمع ومع ذلك لم يكن الزواج عائق ليهم

وتجارب كتير الواحد شافها ونجحت فعلا وربنا يوفقهم

ياجماعه اهم حاجه النيه فى الزواج

لما تكون نيه صادقه ربنا بيكرم اكيد

ام ان واحد يقول هيكون نفسه ويبنى مستقبله الاول يبقى يقابلنى لو اتجوز

وبعدين مفيش حد هيتخرج النهارده هيتجوز بكره الا لما يكون كان بيشتغل فى الدراسه او باباى محضراله الميراث بتاعه
اكيد ممكن يشوف شغله والعائق الفظيييييييع الجيش
ثم يخطب ويبدأ يكون نفسه وحبه ويتزوج
ومن صدق الله صدقه الله

والموضوع حلو جدا وعايزين الاعضاء تتدخل ونشوف الردود

معك حق اختى عاشقةالاقصى

فما احلى ان يعيشا التجربة معا وان يكون هو اول خبرتها وان تكون هى اول خبرته
وتكون احلامهم واحدة لكنها مش هتكون عائق ولا حاجة
وبعدين ماذا سيفيد رصيد التجارب العملية
انا رأييى كماقال الطير المسافرفمن توفرت له أسباب ومقومات الزواج فليتزوج طبعا
ربنا يعين كل شاب يطلب العفاف وييسر له كل اموره

بصراحه الموضوع كويس

وفكرة الزواج المبكر بالنسبه لينا كشباب وفى أيامنا المنيله دى بيتهيألى أنها مش مستحبه

الغلاء والأنهيار وبعد كدا يقلب ببكاء ومش بكاء بس لأ ده بحرقه

ياريتنى يارتنى والندم بقى

أما عند البنات ففعلا مهم ليه عفه وطهاره للبنت وحفاظ على منصبها الرفيع فى مجتمعنا

الشريف .

وأنا طبعا من المعارضين للزواج المبكر بالنسبه للشباب أما للبنات فموافقه

وطالما أنا موافق يبقى موافقه بالإجماع

مع تحياتى المتواضعه

*** الظل ***

يا اخى الكريم ربنا هو اللى بيرزق

وبعدين الزواج نعمة من نعم الله عزوجل

ولاهى أنا هئول رأى كده من غير حد مايزعل
أنا رأى من رأى أخويا " الظل الغامض "
أنا معاكى يأخت " المهاجر " إن ربنا وحده اللى بيرزء
ولاكن أعقلها وتوكل..ولازم ناخد بلاسباب
لو هانيجى نعقلها مينفعش بلنسه للشباب
وخصوصا اللى حالهم معروف
وهيبئ فى مشاكل وعدم راحه
مع إن المفرود إن الواحد بيتزوج علشان يستقر بئى ويرتاح
لاكن اللى هايحصل مفيش أستقرار لأحوال المعيشه
ومفيش راحه لأنه بيجرى طول اليوم علشان لؤمة العيش

قال رسول الله صلى الله عليه و سلم

يا معشر الشباب من استطاع منكم الباءة فليتزوج
و من لم يستطع فعليه بالصيام فهو له وجاء
صدق رسول الله صلى الله عليه و سلم
إن الرسول صلى الله عليه و سلم
أمر المستطيع من الشباب بالزواج و الغير مستطيع بالصوم
و لا تعليق أعلى على تعليق الرسول صلى الله عليه و سلم
( و ما ينطق عن الهوى )

الرد الاول
اعتقد ان الاجابة على الموضوع صعبة
ولها اختيارات متعددة
فهى قد تختلف من شخص للآخر
حسب لظروف والسن
والامكانات والبيئة المحيطة
وربنا يوفق الجميع
فالاختيار ففى هذا الزمن صعب
والاستمرار فى خطوات وتكاليف الزواج يحتاج لعزيمة قوية
وسلملى على المتجوزين

هسلملك عليهم حاااااضر

زائر

السلام عليكم

كويس جداا الناس بدأت تفكر ، اازواج بدؤا يتراجعهوا لو كنا اتأخرنا شويه مش كنا احسن

و وقعنا ازواج فى بعض

يلا خير

انا بس عاوز اوضح حاجة و هى معنى الاستطاعة
مش شرط استطاعة هى استطاعة المادية و الحسمانية

فى استطاعة الافكار
و استطاعة الاهداف و استطاعة المبادىء

موضوع جميل أوى أخونا المهدى وأنا ليا رأى وهو من رأى حبيبى المصطفى صلى الله عليه وسلم وهو ثلاثة حق على الله عونهم منهم الناكح يريد العفاف بمعنى أنه لوصدق الشاب مع الله فى هذه النية لازم ربنا يصدقه وهذا بالطبع ليس معناه أن يتقدم الشاب للخطوبة والزواج وهو لسة بياخد مصروفه من بابا ويقول اصل ربنا هيعينى لأ طبعا...ولكن يجتهد ومفيش مانع أبدا إنه يشتغل وهو ف الكلية مش عيب اه مش هيجيب كل تكاليف الزواج لكن والله ربنا هيكرمه خاصة بعد الاختيار الموفق لزوجة المستقبل وأهلها اللى هيفهموه ويقدرو ظروفه الزواج المبكر دة أحلى حاجه ف الدنيا

المهم الاستطاعة

بس انهى استطاعة هى المهمة

تختلف من فرد لفرد ومن ظروف لأخرى

واللى مكتوبله يتجوز بدرى هيتجوز واللى مكتوبله يتاخر هيتاخر

اشكر اولا ادم المهدى لهذا الموضوع الشيق

الذى له اراء كثيره جدااااااااااااااااااااااااااااا

فانا ارد على هذا الموضوع بشئ من الحيرة

وانا اتفق مع الاخت عاشقه الاقصى والاخ

الظل الغامض .............................

انااعارض بسبب المشاكل العديده للشباب حاليا

ومنهاان يكون ليس عنده القدره على الزواج بسبب

الغلى الفظيع فى الاسعار ونفسه ان يتزوج دلوقتى

افضل من بكره لانه مش دارى ايه اللى يحصل بكرة

وايضاالشاب اللى ربنا معطيه من خير بسم الله ما شاء الله

طبعا دون حسد معندوش الرغبه فى الزواج بسبب ما يسمعه من

مشاكل زوجيه فلا يتزوج..................................

ولكن اؤيد ان البنات تتزوج للعفه والطهاره كما قال الظل فى قوله

فى الرد والبنات لا تجد مشاكل فى الزاج لا بلاسعار وغير الاسعار

واقول اخير ان الزواج رزق اعطه الله لنا وان الزواج نصف الدين

بسمك اللهم نبدأ
شوفوا ياخوانا من غير كلام كتير وفلسفة
أنا عندى رأى وهو كالأتى
لازم ناخد الموضوع من جميع جوانبه يعنى مثلا
إحنا قاعدين نقول الشباب والفتيات
وناسيين أولياء الأمور
كم من شاب نفسه يتجوز
وعنده إمكانيات مش هنقول كتيرة
بس عنده الحد الأدنى
وأول ما يقول بسم الله ويتقدم أول كلمة يسمعها إحنا بنشترى راجل
وبعد كدا ياخويا خد عندك
الشقة إما تمليك أو فى شكرى أومحب أو تكون فى شارع رئيسى
تجيب تلات أوض وأولهم أوضة أطفال مع إن لسه مفيش أطفال
والفرح فى ميدو بارك أو الميريلاند وأقل واجب يبقى فى نادى الشرطة
ودا غير البلاوى التانية
أدى حاجة من الحاجات
وبرضه فى كلمة للشباب من خلال التجارب الواقعية بلاش نظام عش العصفورة هيقضينا
والإشتغالات دى عشان مش بتأكل عيش الزواج ده منظومة متكاملة
يعنى لازم يبقى فيه الحد الأدنى من كل شىء على الأقل
يعنى لازم يكون راجل يكد ويتعب فى الحياة عشان يبقى جدير باحترام الناس اللى هيدخل بيتهم
والبنت اللى هيتجوزها
يعنى من الأخر يا خوانا لازم يبقى فيه وعى ونشاط ومش عايزين أهالى مقفلين ولا شباب مرحرحين عايزين يتجوزوا على الجاهز
وللحديث بقية

بارك الله فيك يا ابو نور

زائر

السلام عليكم

إضافة على كلام فارس الحرف ان ممكن الشخص علشان مستعجل على موضوع الجواز يقوم مستلف وما ادراك ما الاستلاف

ويضطر يسافر او يشتغل شغلانه مش بيحبها او يشتغل اكتر من شغلانه بقى علشان يسدد اللى استلفه و يضيع نفسه فى وضع مش لذيذ
انتوا اكيد مش معايا فى الموضوع ده

ايه اللى يخليه يستلف مافى حاجه كده اسمها فتره خطوبه

وبعدين انا فى رأيى فى حاجه اسمها ان اى انسان فى الدنيا عايز يكون نفسه لازم يتعب شويه

وكده كده هيتعب

يبقى لما يخطب وهو عارف هيشتغل فين وهيعمل وهيخطط ازاى يبقى اكيد هيكمل مشواره بنجاح

لان التخطيط السليم بيؤدى لأفضل نتيحه بأذن الله

وبعدين يا اخ ادم

فيه مقاييس ربانيه احنا مش بنتحكم فيها

ومن صدق الله صدقه الله

وربنا يعف شباب المسلمين

ونكمل كلامنا
كنت بقول إن المشكلة بإختصار إن الشاب لو جدير باحترام أهل اللى عايز يخطبها الموضوع هيفرق كتير لأن المشكلة إن أهالى كتير فقدوا الثقة فى إن الشباب الحالى قادر يتحمل مسؤلية
وبعدين واحد قاعد ولسه منزلش سوق العمل ومشافش الدنيا ماشية إزاى وبيشتكى من قلة الحيلة وصعوبة المعيشة
بالله عليكوا دا منظر واحد هيشيل مشؤلية أسرة؟؟؟؟أشك
يااخوانا مجال العمل حاجة وشغل المدونات والنظريات حاجة تانية خاااااااااااااااااااالص
ولاإنتوا رأيكوا إيه؟؟؟
نكمل بعدين

لا يا فارس الحرف

فى ناس ممكن تقتنع بيك كشخص كفكر كأنسان وحتى لو معاك الامكانيات المعقوله ويقولولك معلش اصل احنا عايزين بنتنا تعيش فى نفس المستوى

يعنى فى اهالى كتير يقبلوا على ابنهم حاجات وساعه لما تيجى بنتهم تتجوز لا احنا عاوزين كذا وكذا وكذا

الامر فى الاول والاخر

ان برضه هارجع اقول من صدق الله صدقه الله

يعنى فى ناس تقبل ان بنته تفضل زى مابيقولوا الايام دى مرتبطه بواحد طول سنين الكليه ووقت الجواز تلاقى ميت الف عركله

لكن اللى بيبتق الله بجد ربنا بيوفقه

انا اعرف ناس خاطبين وهما مازالوا فى الكليه لكن بيعملوا

بيشتغلوا عرافيين طريقهم جاى منين ورايح فين

لازم كلنا ندرك حاجه واحده ان للأسف كل واحد بيشوف تجربته هيا اللى صح وبس

مع ان فى تجارب ناجحه كتير

يعنى لو واحد اتجوز متأخر يشوف ان اللى عمله هو عين العقل

وواحد اتجوز صغير يشوف ان اللى عمله عين العقل

وواحد مش عايز يتجوز خالص ويبقى مفتنع ان دا برضه عين العقل

المفروض كل واحد يبص ان تجربته تجربه من التجارب الكتير فى حياتنا

اللى في انجح منها وافضل منه ويقبل ده

ودا طبعا بيبان مع الناس الكبار

لما الشاب يتكلم عن موضوع زى ده
للأسف بيحصل استهتار

حتى لو كان شاب ناجح جدا ومتميز

لازم نأخد بالنا من النقطه دى كويس

واخيرا

من صدق الله صدقه الله

كن لله كما يريد يكن لك فوق ما تريد

1- أنا يا جماعة هكتفى إنى أذكر قصتى مع الزواج
أنا خلصت كلية وأشتغلت وعملت أول جمعية 3000 ج على عشرة شهور وبعد خمس شهور من الجمعية رحت أخطب !
طبعاً الشقة كانت موجودة بس مش مشطبة ربنا يبارك فى الوالد والوالدة
والناس وفقوا عليه كان فى يوم ميلادى واتفقنا على سنتين خطوبة
ولكن بعد 3 شهور تم العقد وبعد 11 شهر تم الزفاف يعنى سنه وشهرين على غير المتوقع تماماً
ومحدش طلب منى حاجه أنا أفترضت على نفسى 2 حجرة وجبتهم قسط كمان .

مع العلم إنى ساعدت فى زواج أختى و ساهمت فى تجهيز شقه أخى الأصغر منى فى تلك الفترة !

2- أنا عايز أذكر الشباب " ومن يتق الله يجعل له مخرجاً ويرزقه من حيث لا يحتسب "
" فقلت استغفرو ربكم إنه كان غفاراً , يرسل السماء عليكم مدراراً , ويمددكم بأموال وبنين , ويجعل لكم جنات ويجعل لكم أنهاراً "

ونقطه مهمه جداً والله " غض البصر "

لازم نأخذ بالأسباب ولكن مش هيه كل حاجه

3- أمر أخر هام " لماذا الزواج " أنا كنت ناوى أكثر من 13 نيه للزواج

وللحديث بقيه

بارك الله فيك أخونا القعقاع على عرض تجربتك ليستفيد منها الشباب فأهم حاجة فى تجربتك النظرة الواقعية وعدم التحليق فى سماء الأوهام وقبل كل شىء التوكل على الله
وإن الله لا يصلح عمل المفسدين
وربنا يجعلك قدوة لكل واحد عايز يتجوز

يحضرنى فى هذا الموقف بعض الكلمات اللى مش من تأليفى وهى

قبل ماتحلم فوق
إحلم وانت فايق
قبل ماتطلع فوق
إنزل للحقايق

جايز حلم ف غمضة عين
عايز يتحقق فى سنين
وجايز يبقى الحلم إتنين
وتحققهم فى دقيقتين
..........
كفاية كدا مش لازم الباقى

زائر

السلام عليكم و رحمة الله و بركاته

كل الردود دى رائعة جداا ، و تجربة القعقاع تحترم جداا

و كل مع وجود الفتن اللى موجوده فى زماننا

تيجى عندنا فى الكلية مثلا واحد صاحبى اعجب بواحدة معانا فى الدفعة و هى اعجبت بيه طبعا فى حدود الاحترام و حصل كلام لبنهم مثلا فى المعمل عندنا و فى السكشن ، و حسوا ان فيه انجذاب من نوع ما و هو ملتزم و هى كذلم و مش حابيين انهم يعضبوا ربنا ، فآم اتخطبوا و لعلمكوا لهو معاه حاجة و ولا هى معاها حاجة

دا حتى بيحكيلى بيؤلى انى كنا رايحين نقرا فاتحة و بعد الكلية مثى يتم الخطوبة
فى الاعدة اتفقوا و حصل اتفاق وفحصل خطوبة و نزل كابلها دبلة و محبس و دبلته بألف جنيه

و اتصل بيا ياخد الكاميرا الديجيتال و ولاد عمه جابوا الجاتوه و حتا الحفلة كانت يوم الاربعاء و كان وراه امتحان ميد تيرم السبت

و هو سعيد جداا و هى اسعد

.............................................ز

تجربة و نجحت

فبعدها قعت معاه و قلتله / هل انت مش حاسس انك اندبست او استعجلت ، قاللى لا طبعا و احساس جميل جداا ووو

..............................................
قد اتفق معاه او اختلف ، انا من وجهه نظرة الشخصية ان ده مش قرار سليم الى حد ما

لان كان من تبعات الخطوبة دى ان هم فضلوا رزئين لبعض فى الكلية

لهو مشى مع اصحابو و نسانا تماما و هو كذلك

.................................................

انا فى رأيى ان كل فترة من فترات البنى ادم لها لها احاسيسها الخاصة و مشاعرها الخاصة مينفعش نسبق مشاعر مكان مشاعر

يعنى فترة الجامعة هى فترة بناء الشخصية الردية و الاعتماد على النفس فى القرارات و التصرفات

و فترة ما بعد الجامعة مباشرة هى فترة بناء اساس المستقبل و الدور الاول اللى هتيجى واحدة و تبدأ تبنى معاه البناء تكمل الترميم و الديكورات

و لعلمكوا اللى بيوقع صدقنى مش بيبقى شايف وراه
ولا ايه يا عم فارس؟!!!

معلش إستفسار بسيط
الأخ دا لو حب يجيب لها هدية هيجيب منين من بابا ولا من ماما
يبقى منظره إيه لما أبوه ولا أمه يصرفوا عليه هو وخطيبته
أه ممكن الواحد أبوه يساعده ودا أكيد فى الزمن والظروف دى إنما يصرف عليه
أنا رأيي إن الأحسن قبل ما يخطب كان يشتغل أى شغلانة إن شا الله ب250 جنيه
ولاالخطوبة فى الدراسة خطوة حلوة والشغل لأ
ولا احنا مش بنشوف غير الجانب اللى طعمه حلو
مش بقول لكوا الكلام سهل
ربنا يستر

زائر

يا دكتور انا مجيبتش سيرة شغل صاحبى ده

صاحبى ده من الناس المعدودين فى المنصورة فى تصميم المواقع web developing

و له رصيده الخاص و وو

الخطوبة للشخص بتديله مسئوليه
بتخليه يبص قدامه اكتر

علشان كده مش بحبذ الخطوبة فى فترة الكلية
زى ما فيها جدية لكن الشخص مش بيفكر ان هو يطور نفسه قد ما همه انه يحمع اكبر قدر من الفلوس

و بس

الزواج المبكر نعمة من عند الله ولا تعطل الشاب في مستقبله
ولكن اذا كان الشاب غير قادر على تحمل المسئولية في كل شيئ
بمعنى ان يكون عنده دخل ثابت يستطيع من خلاله العيش لكان الزواج المبكر نقمة وليست نعمة
اذا لم تكتمل شخصية الشاب ويشعر انه لا يريد حياة اللهو والجري والتنطيط فان الزواج سيصبح نقمة وليس نعمة
ولكن انا اشجع الزواج المبكر علشان انا افرح باولاد اولادي بدري بدري واستطيع ان العب معهم اما اولادي يكلوا مش الزوج والزوجة يطلعوا عينهم مش مهم اهم شيئ ان احفادي سيكونوا معي اجمل شيئ في الدنيا
يارب يارب يارب يكون قريب ان شاء الله

ربنا يرزقهم بالازواج الصالحين ان شاء الله

[center][size=12]
أولا :السلام عليكم ورحمة الله وبركاته
ثانيا: كل الردود التى قرأتها جيدة وتُحترم لأنه من الطبيعي جداً إختلاف التجارب تبعا لإختلاف الظروف البيئية والشخصية
قد يكون هناك شخص يُوفق في الزواج المبكر واخر لا
فليست هناك تجربة ثابتة ويمكن تعميمها ولكن هناك أصل ودعوة من المصطفى صلوات الله وسلامه عليه بالزواج مع الاستطاعة للشباب" كانت بدرى أو اتأخرت مش مهم المهم الاستطاعة"
ثالثا : الاخ ادم سألنى في الموضوع ده بشكل شخصي وأنا قلت له رأيي . أنا مثلا من الذين تزوجوا مبكرا بعد التخرج بمدة بسيطة نظراً لتوفيق الله
لكنى قد أُحبذ هذا الأمر لشخص وأكرهه لآخر" حسب شخصيته وهل يستطيع تحمل المسئوليه والتكاليف وقيادة السفينة أم لا "
وفي رأيي المتواضع أنه كما كان ينصح الرسول صلى الله عليه وسلم رجل يطلب منه الوصية بعدم الغضب وينصح آخر بإمساك اللسان وآخر بكذا وآخر بكذا كلُ حسب شخصيته وظروفه
يارب يكون كلامي واضح ومفهوم لأنى مش بقدر أعبر بالكتابة أوى

[/center]

بس الناس تعرف تتجوز أصلاً الأول!!!!!

وبعدين نشوف الجواز المبكر ده هيكون عند سن كااااااااام
وبعدين ..........اللى قادر يتوكل على الله زى ماقال سيد البشر

هو إحنا إللى بنزود تكاليف الزواج
لازم فرح فى فندق و لازم أربع غرف و لازم حجرة أطفال و لسه ربنا يرزق و لازم الشبكه تكون .... و لازم الفستان يكون .......
و لو أخذناها ببساطه زى زمان ماكانش الأمور إتعقدت بالشكل ده و كان زمان كل إللى عاوز يتجوز إتجوز . و ربنا بيبارك فى البساطه

إن كان علينا نفسنا كل شباب المسلمين يتزوجون فى سن مبكر من أجل العفاف والإستقرار

ولكن إلى فى إيدينا نعمله ندعوا لهم بذلك
وكتير من الشباب بيحمل هم التكاليف والمسؤلية
ونذكرهم بقول رسول الله صلى الله عليه وسلم " إبتغوا الرزق فى الزواج " أو كما قال رسول الله صلى الله عليه وسلم

معلشى على تقل الدم

بسم الله الرحمن الرحيم

امنا بصراحه دخلت فى الامتحنات المنتدى علشان اشوف الموضوع المهم ده

انا مش ههزرفى الموضوع انا بصراحه اول ما عرفت الموضوع ده جه كل الكلام الى الناس ديه كتبته فى دماغى وبصراحه انا بصراحه مش عارف ارتب كلام الجميل والمؤثر والمتعب واللى يخلي الشاب يشيل الهم واى حد عنده ابن
انا براحه لما بداءت اكتب مش عارف اكتب حاجه غير
وانا فى اول دخول الجامعه بسنه تقريبا بدءت افكر فى الموضوع جدى وكنت احيانا بتحدى اصحابى على انى هتجوز قبلهم وكانوا اكبر منى بسنين بسيطه
لكن انا مش عارف اقول ايه دلوقتى محدش يفهمنى غلط
انا شايف ان اسباب كل واحد وجيه ومن رايى انا الواحد يتجوز بدرى لكن المشكله هيجيب منين علشان يتجوز وهيقعد كام سنه ينقى بنت الحلال اللى تنفع له انا مش عارف كام سنه بصراحه
بس اللى يجيله فرصه يتجوز يتجوز هوه كده كده هيتغم فيتغم وهوه صغير احسن وبعد 3 شهور من الجواز يفوق من المصيبه اللى هوه فيها
انا محاولتش اهزر فى الموضوع لانه اصلا مش محتاج هزار
بس انا برده هتجوز بدرى بس المشكله فى بنت الحلال

أنا كنت ممتنع عن المشاركه لأنى مش قادر أكون رأى مؤيد أو معارض

أنتوا طبعا عارفين أن الحكومه بتاعتنا عامله حرب على الزواج المبكر وأنا مش عارف ليه
المهم رأيى متهيألى زى رأى الغالبيه
الزواج يتوقف على عدة عوامل أولها استعداد الشخص نفسيا وفكريا لذلك ( وما يبقاش مندفع زى ميزو كده )
بعد كده نيجى لموضوع الماديات ( التالى فى الصعوبه ) دى أعتقد أنها مشكله عويصه فعلا بس حلها بسيط وذكره أخونا القعقاع فى رده ( ومن يتق الله يجعل له مخرجا ........ )
أما الثالثه وهى الأصعب :_ وهى كما قال ميزو مشكلة الإختيار ........ ودى طبعا ؟
فاظفر بذات الدين .
بس من ضمن مشكلة الإختيار هو أنك مش بس بتختار بنت الحلال لا أنت كمان بتختار ( وهنا أفضل استخدام بعض الكلمات التى اعتاد أحد أصدقائى أن يرددها على مسمعى ) خال و جد جدة ابنك وبنتك . وأنا أعتقد أن هذا ما يزيد الأمر تعقدا .

وفى النهايه :- ( قل لن يصيبنا إلا ما كتب الله لنا ..... ) .

يا سلااااااااااااااااااااااااااااااااااام يا جدعان بس هو فين هو حد لاقى

أنا لست من المؤيدين للزواج المبكر لأن المفروض الواحد يكون نفسه الأول